3 strategji që do t’ju largojnë nga zakonet e dëmshme teknologjike

06/08/2018 9:00 AM 0 komente

Njëherë e një kohë,kur njerëzit flisnin për varësi, e kishin fjalën për drogën. Sot, ajo ka të bëjë edhe me sjelljet dhe teknologjinë, në veçanti për celularët dhe aplikacionet që ato kanë. Shpesh kompanitë e teknologjisë i përshkruajnë produktet si mjete që do ta bëjnë botën një vend më të mirë.

Edhe pse mund të jenë krijuar me qëllime të mira, disa teknologji janë ndërtuar në një mënyrë aq të përsosur, saqë njerëzit janë bërë të varur prej tyre.Sipas Adam Alter, profesor i marketingut në Universitetin e Nju Jorkut dhe autor i librit “Irresistible” së fundi, koha e tepërt para ekranit i bën njerëzit më pak të lumtur dhe të shëndetshëm.

Në fakt, një studim i fundit ka treguar se njerëzit që përdorin platformat e rrjeteve sociale janë tre herë më të rrezikuar nga depresioni dhe ankthi.Kërkues të Universitetit të Kolumbias dhe Universitetit të Pensilvanisë zbuluan se kishte një lidhje të qartë midis përdorimit të smartphone-ve dhe stresit. Megjithëse e dinë se teprimi me teknologjinë është i pashëndetshëm, njerëzit nuk e dinë kur dhe si të ndalojnë. Alter këshillon këto tre teknika:

Shmangni shpërqendrimet

Email-i është një nga shpërqendrimet kryesore në punë. Alter thotë se email-i i zakonshëm i punës hapet brenda vetëm gjashtë sekondave, por një personimund t’i duhet deri në 25 minuta për t’iu rikthyer punës në gjendjen që ishte para se të kontrollonte email-in.Shpesh, ju mund ta kontrolloni email-in dhe instinktivisht si shpërqendrim ose për t’u marrë me diçka në një moment mërzie. Në vend që të përpiqeni të shpërqendroni veten me teknologji, Alter thotë që ju, që jo vetëm e toleroni mërzinë, por edhe e “përqafoni” atë.

Caktoni kufij fizikë

Sigurisht që nuk do të arrini ta reduktoni menjëherë varësinë tuaj ndaj teknologjinë, por mund ta bëni hap pas hapi, duke e rritur gjithnjë e më shumë kohën që kaloni offline. Alter rekomandon: “Kur shkoni për kafe në punë, lëreni celularin në zyrë. Kështu do ta keni fizikisht të pamundur të përdorni atë çka po përpiqeni ta shmangni”. Me kalimin e kohës, mbajeni pajisjen pranë vetes, por bëjini ballë tundimit për ta përdorur.

Përdoreni kohën e lirë në mënyrë produktive

Tashmë është bërë e zakonshme që njerëzit të nxjerrin celularin nga xhepi kur ndodhen në ashensor me njerëz tëpanjohur, duke pritur radhën në dyqan, apo në çdo situatë tjetër kur e ndiejnë veten të shqetësuar ose të mërzitur.Përdoreni më mirë këtë kohë për të menduar.

Alter thotë: “Unë zgjedh një problem që më ka shqetësuar kohët e fundit dhe gjatë atyre 15-20 minutave, mendoj për atë.”Qoftë në punë apo gjatë kohës së pushimit, teknologjia merrnjë pjesë të mirë të ditës së një personi të zakonshëm.

Problemi nga i cili vuajnë shumë njerëz është se nuk dinë kur t’i lënë mënjanë celularët. Në vend që të bashkëbisedojnë me të huaj apo të mendojnë për probleme të rëndësishme, njerëzit automatikisht nxjerrin nga xhepi celularin për të ngushëlluar veten, pa e kuptuar fare. Lidhja e vazhdueshme me teknologjinë mund t’ju pengojë të komunikoni me të tjerët në jetën reale. Me ndihmën e këtyre tre teknikave, ju tashmë mund të filloni të kufizoni kohën në ekran dhe të vëreni një ndryshim në mënyrën si e shfrytëzoni kohën tuaj.

Burimi: INC

Share on FacebookTweet about this on TwitterShare on Google+Share on LinkedInEmail this to someonePrint this page

Komente

Jeni i pari për të shkruar një koment!

Notify of
avatar
wpDiscuz