6 destinacione për të festuar Shën Valentinin në Europë

05/02/2019 3:45 PM 0 komente

Shën Valentini është pranë dhe pavarësisht se vit pas viti rrezikon të bëhet një festë komerciale, ekzistojnë ende njerëz romantikë të lidhur pas simbolit të saj.

Mënyra më e mirë për ta festuar Shën Valentinin është zgjedhja e një destinacioni romantik dhe të shkëputeni nga gjithçka e të gjithë.

Destinacionet në Europë janë të panumërta, por disa vende njihen si qytete të dashurisë. Dëshironi të ndryshoni ajër? Më poshtë janë 6 vende – ide me këtë rast.

 

Lisbona

Lisbona është e përshtatshme për çifte që kanë shpirtin e aventurës dhe e jetojnë jetën gjithnjë me buzëqeshje. Lisbona, vend i argëtimit dhe kulturës i ndërthurrur me romantizmin që karakterizon lagjen historike Alfama dhe Baixa është vendi ideal për një arratisje dashurie.

 

Verona

Verona është ndër destinacionet ku mund të rezervoni me rastin e Shën Valentinit. Një qytet plot romancë dhe histori ku mund të realizoni ëndrrat tuaja dhe të lini një gjurmë të dukshme në rrugën tuaj. Nëse vizitoni qendrën historike të qytetit do të jetë e pamundur të mos ndaleni poshtë ballkonit të Zhulietës dhe, ndoshta, të lini një letër që të tregojë hapat e historisë suaj të dashurisë duke e shndërruar tragjedinë e Shekspirit në një histori me fund të bukur. Çdo vit, në këtë periudhë, zhvillohet “Verona in love”, që përfshin një sërë aktivitetesh duke filluar nga 14 shkurti 2019.

 

Budapesti

Kryeqyteti i Hungarisë është një ndër destinacionet më të magjishme në botë. Çdo rrugicë dhe rrugë është kaq romantike veçanërisht në mbrëmje, kur Ura e Zinxhirit ndriçohet nga një dritë e butë dhe e ngrohtë, si zemrat e të dashuruarve e kalimtarëve që bashkohen në unitet në emër të dashurisë.

 

Venecia

Çfarë mund të jetë më romantike se një xhiro me gondola me njeriun e zemrës mes kanaleve të ndryshme të Venecias për të mbërritur më pas në Piazza San Marco? Venecia duket se nuk heq dorë nga cilësimi “qytet romantik” ku mund të kaloni një fundjavë të bukur me partnerin tuaj.

 

Pragë

Të humbësh në pasion është e thjeshtë në Pragë, falë bukurisë së papërshkueshme të saj. Në këtë qytet i cili përshkohet nga lumi Vltava do të jetë e pamundur të mos bëni një premtim dashurie mes ndërtesave gjithë stil dhe atmosferës magjike.

 

Vjenë

Të përshkosh rrugicat e qytetit të Princeshës Sisi në një karrocë, pranë njeriut të zemrës. Ky udhëtim do t’ju mbushë shpirtin dhe ndoshta do t’ju ndezë zemrën për të bërë një deklaratë dashurie. Kisha me arkitektura të mrekullueshme, kopshte, shatërvanë dhe peizazhe që reflektohen në Danub, në një vals vjenez gjithë ngjyra dhe muzikë që do t’ju befasojnë.

 

 

Komente

avatar
  Subscribe  
Notify of