A jeni gati për një udhëtim në hapësirë?

28/09/2017 2:22 PM 0 komente

Kompania ajrore Boeing do t’u ofrojë një vend pasagjerëve civilë në anijen e saj të re hapësinore Star Liner. Destinacioni do të jetë ISS (International Space Station) dhe udhëtimet e para pritet të nisin vitin e ardhshëm.

Vendi në dispozicion të pasagjerëve civilë do të ndahet me katër vende të tjera që u janë rezervuar astronautëve.

Ky vend nderi fillimisht do të jetë i rezervuar për institucionet, universitetet dhe vendeve të tjera të interesuara, siç bën të ditur Tony Castileja nga Boeing.

Boeing 2

Por udhëtimi kuptohet nuk do të kushtojë sa një javë në kroçerë. Kostoja e biletës mund të jetë shumë e kripur. “Nuk mund ta them çmimin për momentin, por aktualisht Shtetet e Bashkuara po i paguajnë Rusisë 80 milionë dollarë për të transportuar astronautët nga NSA tek ISS”.

Kostoja e udhëtimit duhet të jetë më e ulët se 80 milionë dollarë (kështu shpresohet) dhe gjithsesi tregu i udhëtimeve në hapësirë mendohet se së shpejti do të pësojë një ulje të përgjithshme të çmimeve.

Anija e re hapësinore Star Liner ka një koncept krejt të ri, e menduar të bëjë gjithçka në autonomi. Kontrolli njerëzor është i parashikuar vetëm në raste emergjente.

Boeing 3

Me fjalë të tjera, Boeing është nismëtari i tregut të udhëtimeve civile në hapësirë. Por në dhjetë vitet e ardhshme, vështirë se një vend në një anije kozmike të kushtojë sa në një udhëtim ajror. Vetëm në rastin se nuk vjen ‘Ryan Air’ i hapësirës!

 

Burimi: Corriere della Sera

 

 

Share on FacebookTweet about this on TwitterShare on Google+Share on LinkedInEmail this to someonePrint this page

Komente

Jeni i pari për të shkruar një koment!

Notify of
avatar
wpDiscuz