Revista amerikane “House Beautiful” në një artikull të saj jep disa fakte interesante për kafenë që ndoshta shume pak prej ta pasionuarve i dinë. Ajo shkruan se shumica e pijeve energjike nuk përmbajnë aq shumë kafeinë sa kafet e Starbucks. “Mos besoni kur ju thonë që pijet e shtrenjta energjike janë më të forta sesa një filxhan kafe. Një kanaçe prej tyre zakonisht përmban 150 miligramë kafeinë, gjysmën e sasisë së një kafeje Starbucks grandé, që duhet të jetë e përafërt me kafen e dyqaneve të tjera”.
Ja disa nga faktet:
Krijon varësi
100 miligramë kafeinë në ditë mjafton për t’i krijuar varësi nga kafja një të rrituri. Këtë sasi e përmbajnë dy bustina Lipton tea ose tre kanaçe Coca-Cola. Nëse ndërprisni pirjen e kafes menjëherë, mund të keni simptomat e lënies së saj, mungesë energjie, nervozizëm, dhimbje koke.
Funksionon shpejt
Duhen vetëm 10 minuta që kafeina të veprojë pas gllënjkës së parë.
Kokrrat e kafes nuk janë në të vërtetë kokrra
Nëse duam të jemi të saktë teknikisht, kokrrat e kafes janë bërthama e frutit të kafes.
Webkamera e parë në histori është shpikur për shkak të kafes
Mund të duket diçka banale, por kur të dëgjoni historinë, do kuptoni që ka logjikë. Vite më parë, në vitin 1991, në Universitetin e Cambridge-it në Angli, njerëzit ishin mërzitur duke shkuar te mbajtësja e përbashkët e kafes dhe duke e gjetur bosh. Kështu ata krijuan një webcam që tregonte gjendjen e kafes në një dritare 128×128 që përdoruesit mund ta kontrollonin para se të shkonin në atje për të mbushur një filxhan kafe. Kështu që, meritë e kafes për Skype-in.
Kafeja funksionon më mirë nëse e pini mes orës 9:30 dhe 11:30
Kjo ndodh sepse nivelet e kortizolit, hormoni që kontrollon orën tuaj të brendshme, bie dhe kafeina ndërvepron me kortizolin. Nëse e pini kafen shumë shpejt në mëngjes, kur kortizoli është i lartë, do krijoni tolerancë dhe do keni nevojë për më shumë kafe për të arritur të njëjtin efekt.
Ka një arsye përse aroma është më e mirë se shija
Kjo ndodh sepse ju keni dy shqisa nuhatjeje: nuhatjen për aromat e mjedisit dhe nuhatjen e aromës që vjen nga ana e pasme e hundës që nga brenda gojës kur ju gëlltisni, e cila siguron 80 % të shijes. Është e vërtetë që kafja ka aromë më të mirë kur e nuhasni nga jashtë sesa kur e ndieni nga brenda gojës. Përveç kësaj, pështyma e shpëlan afërsisht gjysmën e shijes me aromë të mirë. Pra, pështyma vepron kundër receptorëve të shijes.