Banka Qendrore e Republikës së Kosovës, ka njoftuar se depozitat në sektorin bankar në qershor 2014 arritën vlerën 2.42 miliardë euro, duke shënuar rritje vjetore prej 10.0 përqindësh, e cila paraqet normën më të lartë të rritjes në dy vitet e fundit.
“Kontribuues kryesorë në rritjen e gjithsej depozitave në TM2 2014 ishin depozitat e ekonomive familjare, të cilat shënuan rritje vjetore prej 9.1 për qind (8.3 për qind në TM2 2013), duke vazhduar kështu të jenë burimi kryesor i financimit të aktivitetit bankar. Depozitat e ndërmarrjeve u karakterizuan me rritje vjetore prej 11.9 përqindësh, dukshëm më të theksuara krahasuar me rënien vjetore prej 7.5 përqindësh të shënuar në vitin paraprak. Rritje më të theksuar shënuan depozitat tjera, me një normë vjetore të rritjes prej 15.0 përqindësh (3.3 për qind në TM2 2013)”, thuhet në raportin e BQK-së, për vlerësimin tremujor të ekonomisë.
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.