Koorporata Elektroenergjetike Shqiptare deklaroi se vazhdon të paguajë detyrimet e prapambetura ndaj Hidrocentraleve private.
Sipas KESH, me pagesat e fundit janë shlyer borxhet e papaguara për faturat deri në Shtator të vitit 2014. Kjo do të thotë, që kanë mbetur ende për t’u paguar edhe 2 miliardë lekë të tjera, të cilat i përkasin faturave të periudhës Shtator-Dhjetor 2014, ndërsa energjia e blerë gjatë këtij viti është paguar rregullisht.
KESH bën të ditur se, i gjithë borxhi ndaj HEC-eve private do të likuidohet brenda gjashtëmujorit të parë të këtij viti.
Sipas Koorporatës, pagesa e borxheve ndaj prodhuesve privatë, të cilat kulmuan deri në 60 milionë dollarë, u bë e mundur falë rritjes së likuiditetit në këtë sektor dhe reformës në tarifat për prodhuesit privatë.
/ Top Channel
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.