“Që gjatë këtij tremujori kemi filluar të shkurtojmë vende pune në nivel të përgjithshëm. Në pasqyrat financiare të tremujorit të katërt do të ndihet kostoja prej 400 milionë dollarësh, që ka të bëjë pikërisht me shkurtimet dhe që do të pasqyrohen në shkurtimet relative”, tha Pandit. Në muajin shtator, banka kishte në listën e pagesës 270,000 persona. Një tjetër gjigant i sistemit bankar, “Banc of America” paralajmëroi se gjatë viteve të ardhshme do të shkurtohen 30,000 vende pune.
Banka “Citi” nuk saktësoi se në cilin sektor do të reduktohet personali, por synon që ta çojë numrin e personelit në të njëjtat nivele si në vitin 2009.
Tregjet në të cilat “Citigroup” po investon janë India, Kina dhe Brazili. Sipas ekspertëve ka të ngjarë që shkurtimet të prekin tregjet e maturuara, veçanërisht ato perëndimore, si pasojë edhe e krizës financiare që po bëhet më e fortë se kudo tjetër.
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.