Ekspertët: Ulja e pragut të TVSH-së do shtrenjtojë çmimet dhe do rrisë barrën për bizneset e vogla, paralajmërohen falimente masive

05/10/2017 11:42 AM 2 komente

Teksa Kryeministri Edi Rama lajmëroi dje përfshirjen e bizneseve të vogla në skemën e TVSH-së, ekonomistët bëjnë përllogaritjet se çfarë efektesh do të ketë ky proces tek çmimet për konsumatorët fundorë dhe bizneset e fushës.

Ekonomistet bashkëpunëtore të Monitor, pohojnë se nëse skema e TVSH-së jetësohet, do të kemi një rritje masive të çmimeve. Rritja e çmimeve do të rritet 20 për qind automatikisht për shërbimet dhe më pak për produktet, të cilat në hallkën e fundit të zinxhirit do të paguajnë vetëm diferencën e çmimit. Por kostoja do të paguhet e gjitha nga konsumatorët, pasi faturimi në TVSH në pakicë do të transferohet në çmime.

Ja si do të funksionojë skema. Në së një produkt hyn në doganë me 100 lekë, menjëherë për këtë produkt do të paguhet TVSH 20 % dhe tarifë doganore nëse ka. Kur ku produkt magazinohet ndaj tij faturohet kosto transporti 10 lekë dhe vlera totale me TVSH shkon 130 lekë. Distributori nga ana e tij, në këtë çmim do të llogarisë 20 lekë kosto operacionale dhe 20 lekë fitim. Në total çmimi i produktit shkon në 170 lekë. Më pas kur ky produkt nga distributori shkon tek pika e pakicës, çmimi i produktit do të llogaritet çmim final plus TVSH (17 leke +TVSH 20% që në këtë rast është 34 lekë ). Duke qenë se TVSH është paguar njëherë në në doganë, distributori do t’i paguajë TVSH shtetit diferencën 34 lekë minus 20 lekë që ka paguar në doganë, pra 14 lekë. Në këtë mënyrë do të funksionojë edhe pakica. Deri më tani TVSH nuk aplikohej në shkallën e fundit.

Tani vlera e produktit nga distributori tek pika e pakicës shënon 210 lekë. Duke i shtuar koston dhe fitimin prej 30 lekësh që do të ketë ambulanti, i bie që çmimi ndaj konsumatorit të jetë 240 lekë plus TVSH. TVSH në këtë rast është 48 lekë. TVSH që i paguhet shtetit nga biznesi i vogël është 48 lekë minus 34 lekë, pra 14 lekë.

Ekspertët pohojnë se përfshirja në TVSH do të rrisë çmimet për të gjithë produktet dhe shërbimet deri në 20 për qind. Por kjo rrezikon të nxjerrë nga tregu gati 80 për qind të bizneseve, të vogla të cilat nuk do të mund të përballojnë konkurrencën nga qendrat tregtarë dhe supermaketet që tashmë shesin me TVSH.

Përfshirja e tyre në TVSH do të bëjë që shumë nga këto biznese të kalojnë pragun e xhiros, dhe ky është një shkak tjetër që ata të paguajnë tatimin mbi fitimin.

Ekspertët pohojnë se gjithashtu skema ka kosto shtesë në aktivitetin e bizneseve të vogla pasi ato do të duhet të paguajnë ekonomistet më shumë për mbajtjen e llogarive të tyre. Një biznesi do t’i kushtojë së paku 10 -15 mijë lekë në muaj për mbajtjen e llogarive, nga 5 mije leke qe ishte aktualisht. Kjo reforma shpjegojnë ekonomistet rrezikon te nxjerrë nga tregu 80 për qind të bizneseve të vogla. Kjo hallkë e biznesit ka shumë rëndësi në vetëpunësim. Kjo kategori zë 36 % në strukturën e punësimit në vend.

Share on FacebookTweet about this on TwitterShare on Google+Share on LinkedInEmail this to someonePrint this page

Komente

2 Komente në "Ekspertët: Ulja e pragut të TVSH-së do shtrenjtojë çmimet dhe do rrisë barrën për bizneset e vogla, paralajmërohen falimente masive"

Notify of
avatar
Sort by:   newest | oldest | most voted
Toni
Guest

Nuk jam dakord me keto llogaritje.
Ato jane teorike.
Ne fakt bizneset e vogla ne cmim e fusin Tvsh ne por nuk ja paguajne shtetit.
Edhe pagesa per ekonomist do jete shume me e vogel se 15.000 leke.
3 mije deri 10 mije sipas biznesit.
Mendoj se sherbimet duhen patur parasysh pasi vlera e shtuar eshte vetem puna e tyre.
Perfshirjace biznesit te vogel ne TVSH eshte veprim i drejte por i vonuar.

Rob
Guest

Nqs fondet do te mireperdoreshin nga qeveria do isha I lumtur per nje lajm te tille. Por puna eshte se qeveria perdor taksat per t ndihmuar bizneset e medha ose per shpenzimet personale udhetime, komunikim, dieta…. Shqiperia nuk ka drejtim apo plan te mirefillte por thjesht ribejne sheshin 700 here edhe akoma kane sistemet publike troke. Me pak fjale shtet koti. Keshtu qe truri I vertete I vendit te ftillohet edhe te krijoje nje levizje te veten se PS edhe PD jane vegla te krimineleve per te kontrolluar veprimtarite e tyre.

wpDiscuz