Evazioni fiskal, Ronaldo do të paguajë 30 milionë euro për të shmangur burgun

14/05/2018 3:14 PM 0 komente

Cristiano Ronaldo do të përballet me autoritetet spanjolle për të paguar 30 milionë euro, në mënyrë që të mbyllë çështjen për evazion fiskal, për të cilën rrezikon edhe burgun.

Këtë e bën të ditur e përditshmja spanjolle “El Confidencial”, sipas së cilës fituesi i “Topit të Artë” synon të arrijë një marrëveshje me Agjencinë e të Ardhurave dhe Prokurorinë Spanjolle.

CR7 është shpallur fajtor për katër akuza dhe do të paguajë 14,7 milionë euro, të ardhura nga të drejtat e imazhit mes viteve 2011-2014, si dhe 30 milionë euro gjobë. Kjo në këmbim të një garancie për të shmangur burgun (rrezikon dy vjet). Ky nuk është rasti i parë për evazion fiskal. Lojtarë si Falcao, Carvalho, Di María, Alexis Sanchez, Mascherano, Coentrao, Marcelo e Modric janë përballur me situata të tilla, duke arritur marrëveshje të ngjashme.

Sulmuesi i Real Madrid duhet ta mbyllë këtë çështje para Botërorit Rusi 2018 në muajin qershor, ndoshta edhe me një ulje të vogël të gjobës prej 30 milionë eurosh.

Share on FacebookTweet about this on TwitterShare on Google+Share on LinkedInEmail this to someonePrint this page

Komente

Jeni i pari për të shkruar një koment!

Notify of
avatar
wpDiscuz