Fairphone, smartphone i parë ekologjik

06/03/2017 4:44 PM 0 komente

Fairphone është një kompani që ndërton dhe projekton smartphone ekologjikë, ose më mirë me një ndikim të vogël në mjedis gjatë realizimit të pajisjes. Gjatë Mobile World Congress 2017 në Barcelonë, shoqëria deklaroi se dëshiron të realizojë edhe ora apo kompjuterë tërësisht “të gjelbër”.

Fairphone 2 është një smartphone që përdor materiale që nuk ndotin mjedisin. Dizajni është projektuar në mënyrë të tillë që t’i bëjë më të lehta riparimet dhe zëvendësimet duke shmangur shpërdorimet. Bas van Abel, CEO i kompanisë, konfirmoi se Fairphone dëshiron të vijojë rritjen për të prodhuar edhe Fairlaptop dhe Fairëatch. Natyrisht të dyja të realizuara me një impakt të vogël në mjedis dhe me materiale të riciklueshme.

Po sipas Van Abel, suksesi i kompanisë në të ardhmen do të vijë pikërisht nga vlera e saj e shtuar: qëndrueshmëria. Krijimi i pajisjeve që jetojnë më gjatë apo që mund të riparohen lehtësisht, të realizuar me materiale të ndryshme dhe me konsum të ulët do të jetë shumë shpejt një prerogativë. Kjo sepse, sipas Fairphone, konsumatorët do të jenë gjithnjë e më shumë të vëmendshëm ndaj pasojave të pajisjeve elektronike në mjedis.
Faiphone nuk do t’i mjaftojnë kompjuterët dhe orët inteligjente për të konkurruar Apple apo Samsung, por një gjë është e sigurt, sa më shumë të përhapen këto lloj pajisjesh, do të rritet edhe numri i përdoruesve që do të blejnë vetëm smartphone, tablet dhe kompjuter miqësorë ndaj mjedisit.

fairphone-590x443

Karakteristika të Faiphone 2
Ekrani: 5 inç
Kamera e pasme: 8 megapiksel; kamera ballore, 2 megapiksel
Memoria e brendshme: 32 GB e cila nuk mund të zgjerohet.
Sistem Android 5.1
Procesor: Qualcomm Snapdragon 801
Bateria: 2420Mah
Pesha: 148 gramë
Dual Sim
Wi, GPS, Bluetooth, 3G & 4G
Çmimi i Fairphone 2 do të jetë 533 euro

 

 

 

Share on FacebookTweet about this on TwitterShare on Google+Share on LinkedInEmail this to someonePrint this page

Komente

Jeni i pari për të shkruar një koment!

Notify of
avatar
wpDiscuz