Gjermania mbështet ndërtimin e një fabrike për ndërtimin e makinave Volkswagen në Bullgari

20/04/2019 10:01 PM 0 komente

“Unë do të inkurajoj Bullgarinë në rrugën drejt ndjekjes së reformave për të siguruar sundimin e shtetit ligjor dhe në luftën kundër korrupsionit”, tha Presidenti gjerman Frank-Walter Steinmeier në një takim të zhvilluar në Sofje, me homologun e tij bullgar Rumen Radev.

Ai theksoi se Bullgaria është një faktor stabilizues i bashkëpunimit brenda BE-së. Sipas tij, Gjermania është e interesuar në forcimin e marrëdhënieve politike, kulturore dhe ekonomike mes dy vendeve. Gjermania mbështet ndërtimin e një fabrike që do të prodhojë makina të markës Volkswagen në Bullgari, tha Presidenti i Gjermanisë.

“Partneriteti i suksesshëm ekonomik bullgaro-gjerman është një arsye më shumë për të besuar se Bullgaria është gati dhe meriton të ketë një investitor strategjik me një cikël të mbyllur prodhimi, tha Presidenti Radev.

Presidenti gjerman Steinmeier u takua edhe me Kryeministrit Bojko Borisov, ku tema kryesore e bisedës së tyre ishte çështja e sigurisë.
Bojko Borisov theksoi se ky vend po përmbush me sukses angazhimet e tij lidhur me mbrojtjen e kufirit të jashtëm të BE-së. Ai tregoi se një mekanizëm i qëndrueshëm europian ishte i nevojshëm për t’i dhënë përgjigje pyetjeve mbi migracionit.

Komente

avatar
  Subscribe  
Notify of