Ikea shkon në hapësirë

06/07/2017 3:20 PM 0 komente
TEMA TE NGJASHME:

… kërkon të arredojë anijet kozmike dhe shtëpitë e ardhshme në Mars

 

1.Lajmi gjatë Democratic Design Days

Më 7 qershor, dita e parë e Democratic Design Days të Ikea-s, manifestimi i përvitshëm që prezanton të rejat e kolosit suedez të arredimeve low cost – u njoftua lajmi. Në blogun e eventit u shfaq një post me titullin: “Ekspedita e Ikea-s në Mars sapo u nis”.

 

Ikea 2

2.Tri ditë në shkretëtirë

Në post u përshkrua një eksperiment: për tri ditë, disa arkitektë kanë jetuar në bazën e NASA-s në shkretëtirën e Utahut. Këtu është ndërtuar një vendbanim i ngjashëm me atë që jetojnë astronautët në orbitë. Objektivi është që arkitektët të krijojnë një ide të kushteve të jetës në hapësirë.

 

Ikea 4

3.Ide për hapësirën, por edhe për Tokën

Grupi i Ikea-s është përpjekur të gjejë zgjidhje jetësore për hapësirat të kufizuara me ajër dhe ujë të papijshëm. Këto janë karakteristikat e jetës në hapësirë, të cilat nuk u largohen shumë qyteteve hipotetike të së ardhmes. Në fakt, projektet do të zhvillohen edhe nën optikën “tokësore”.

 

Ikea 4

4.Gati projektet për vitin 2019

“Sigurisht, pas kësaj përvoje do të kemi një ide më të qartë rreth nevojave të një shtëpie në hapësirë” – komentoi Michael Nikolic, pjesë e skuadrës së arkitektëve. Ikea ka siguruar se disa modele do të mund t’i gjeni në treg në vitin 2019.

 

Ikea 5

5.Shtëpi e ngjashme me atë në filmin “The Martian”

Habitati i ndërtuar në “Mars Desert Research Station” përbëhet nga një serë, e ngjashme me atë që kemi parë në filmin “The Martian” dhe një hapësirë e përbashkët për të punuar dhe për të kaluar kohën e lirë.

 

Ikea 6

6.Të mendosh për tregun e madh

Me “misionin e saj në Mars”, Ikea kërkon të eksperimentojë në një hapësirë të vogël gjithë zgjidhjet më inovative për shtëpitë. Dhe më pas t’i prodhojë ato për klientelën në gjithë botën.

 

Burimi: Corriere della Sera

 

 

Share on FacebookTweet about this on TwitterShare on Google+Share on LinkedInEmail this to someonePrint this page

Komente

Jeni i pari për të shkruar një koment!

Notify of
avatar
wpDiscuz