Industria ‘call center’ (zyra ndërtuar për të pritur një vëllim të madh telefonatash) po kalon në tranzicion teksa konsumatorët vazhdojnë të përdorin mundësitë e vetëshërbimit. Por, ka ende një përqindje të madhe të popullsisë që vazhdon të mbështetet në call center për të përmbushur nevojat e tyre. Treguesi për Qendrën Europiane të Kontaktit për 2014, i cili sapo është publikuar, zbuloi se punësimi në qendrën e kontaktit u rrit me 3.6% në vitin 2014.
Raporti u sponsorizua nga Altitude Software, në bashkëpunim me agjencitë e konsulencës Areia Consultoria dhe Call Communications, dhe është miratuar nga European Confederation of Contact Center Organizations (ECCO) [Konfederata Europiane e Organizatave të Qendrës së Kontaktit].
Studimi në shkallë të madhe të tregut të qendrës së kontaktit mbuloi 30 vende në Europë. Sipas raportit, në vitin 2014, në këto vende ka pasur më shumë se 35,500 qendra që kanë punësuar 3.8 milionë njerëz. Një nga qëllimet e studimit është që të ofrojë një pasqyrë të industrisë në të 30 vendet me llogari të detajuara të strukturës së tregut, praktikave si dhe ngjashmërive dhe dallimeve. Studimi zbuloi lajme të mira dhe të këqija.
Lajm i mirë është se ka pasur një rritje 5.7% në vende nga studimi i vitit 2013, shifër që ka rritur nga 2,724,438 deri në 2,880,743. Mesatarja e vendeve për call center është rritur gjithashtu nga 78.2 në 81.3 me një përmirësim prej 3.9%, po kështu ka ndodhur me numrin e call center, që ka shkuar nga 34,830 në 35,429, me një rritje prej 1.7%.
Ndryshimi më i madh në studim konsistoi në rënien e normës së rritjes, e cila ishte -18,20%, nga 4.40% në 3.60%. Kur u shqyrtua studimi për vende të ndryshme, mospërputhjet ishin të dukshme. Austria, për shembull, ka përjetuar rritje negative në -2%, ndërsa Bullgaria, Rusia dhe Serbia siguruan një fitim mbresëlënës prej 19%.
Migrimi drejt Europës Lindore dhe Rusisë nga kompanitë është i ngjashëm me lëvizjen drejt Indisë dhe Filipineve. Sot, ky rajon i veçantë po rritet me ritme më të shpejta se sa pjesët e tjera të botës, teksa forca e punës ka filluar të njihet për aftësinë e tyre për të folur gjuhë të shumta, për një infrastrukturë të besueshme dhe qeveri që ofrojnë stimuj financiarë.
Numri disproporcional i aktiviteteve nxjerr në dukje atë që tregu po kërkon në këtë rajon, në veçanti veprimtari ‘hyrëse’, që përbëjnë 77.1%. Shërbimet po përdoren nga disa industri të ndryshme ku ‘udhëheqin’ aktivitetet e ICT (Teknologjia e Informimit dhe Kompjuterike) dhe të mediave, ndjekur nga financa, shërbimet profesionale, shitjet me pakicë, shërbimet publike, shërbimet dhe prodhimi.
“Është shumë e rëndësishme që të sigurojmë të dhëna dhe një kuptim më të mirë të industrisë së qendrës së kontaktit në Europë, në mënyrë që ajo të zhvillohet dhe të zërë vendin e saj si kontribuues neto për zhvillimin ekonomik dhe social të kontinentit”, tha David Romero, shefi marketingut në Altitude Software.