INSTAT: Nga shtatori 2013, shërbimet arsimore 10 % më shtrenjtë

11/03/2015 8:45 AM 0 komente

Shqetësimi i studentëve për rritjen e tarifave të studimit është konfirmuar edhe nga INSTAT, i cili gjatë gjithë vitit ka raportuar se, rritja e tarifave në shërbimet arsimore ka ndikuar në rritjen e përgjithshme të çmimeve.

Në muajin shkurt 2015 shërbimet arsimore ishin 10% më të shtrenjta se, në shkurt të vitit 2014. Por rritja me terma dy shifrore ka ndodhur prej tetorit 2013, kur qeveria e re që erdhi në pushtet në këtë kohë reformoi kuotat dhe tarifat e studimit në universitet publike.

Sipas INSTAT, çmimet e grupit “Shërbimi arsimor” kanë kontribuar me +0,15 pikë përqindje në inflacionin e muajit shkurt të këtij viti.

Rritja e tarifave vijoi edhe në këtë vit akademik me 2014 -2015 me 14 deri në 20 %. Studentët që u regjistruan për herë të parë në këtë vit po paguajnë paguajnë 65 000 deri 135 000 lekë për një vit në Masterin e Shkencave, dhe deri 64 000 lekë në vit për studimet e Masterit Profesional.

Rritja e tarifave është diktuar edhe nga mbyllja e universiteteve private këtë vit akademik. Për të përpunuar studentet nga universitetet e mbyllura qeveria rriti tarifat publike për këtë kategori.

Shpenzimet arsimore po zënë një vend të konsiderueshëm në shportën e shpenzimeve të shqiptarëve. Në vitin 2013 sipas të dhënave të përpunuara të Monitor, të ardhurat në universitet private arritën në 40 milionë dollarë.

Këto ditë një grup studentësh u përfshi në një grevë disa ditore pikërisht për tarifat e larta të studimit në universitet publike.

monitor_ndryshimi_vjetor i cmimeve

Share on FacebookTweet about this on TwitterShare on Google+Share on LinkedInEmail this to someonePrint this page

Komente

Jeni i pari për të shkruar një koment!

Notify of
avatar
wpDiscuz