Isco rinovon kontratën me Real Madridin. Klauzolë 700 milionë euro!

11/08/2017 12:48 PM 0 komente
Isco

Ndeshja e Superkupës së Europës (UEFA Super Cup) dha prova të mëtejshme të rëndësisë së Isco për lojën dhe dinamikat taktike të Real Madridit të Zinedine Zidane.

Për këtë arsye, drejtuesit e Realit të Madridit, siç bëhet e ditur nga e përditshmja “AS”, kanë vendosur të zgjasin kontratën, me skadencë në 2018-n, deri në qershor të vitit 2022.

Nga kjo marrëveshje, futbollisti spanjoll do të fitojë 6 milionë euro në sezon. Por ajo çfarë të befason në këtë marrëveshje është klauzola prej 700 milionë eurosh, shumë herë më e lartë se ajo që pagoi Paris Saint-Germain (222 milionë euro) për të blerë Neymar nga Barcelona.

Thuhet se gjithë lojtarët e klubit të Realit kanë një klauzolë e cila nuk zbret më poshtë se 500 milionë euro.

Share on FacebookTweet about this on TwitterShare on Google+Share on LinkedInEmail this to someonePrint this page

Komente

Jeni i pari për të shkruar një koment!

Notify of

wpDiscuz