Rreth 83 subjekte që janë penalizuar nga Drejtoria e Inspektimit të Gazit gjatë vitit 2013, nuk kanë shlyer penalitetet e vendosura duke i kushtuar jo pak dëme financiare buxhetit të shtetit.Bëhet fjalë për subjekte që ushtrojnë aktivitetin e tyre në mbarë vendin dhe që për mungesë të gjetjes së adresës nga zyrat e postave ose për refuzim të marrjes së gjobës, sot ushtrojnë aktivitetin e tyre pa shlyer asnjë detyrim që rrjedh nga ligji për të ofruar standardet e duhura në tregtimin e gazit dhe karburantit.
Inspektoriati Qendror Teknik është i vendosur në zbatimin e ligjit ndaj u kërkon këtyre subjekteve që të shlyejnë sa më parë gjobat e vendosura si pasojë e shkeljes së standardeve.
Në portalin zyrtar të IQT, gjenden 83 subjektet e penalizuara gjatë vitit 2013, që sot rezultojnë debitore ndaj këtij institucioni.
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.