Çmimet e naftës u rritën të premten, pas komenteve të ministrit e energjisë së anëtarit të OPEC-ut, Emiratet e Bashkuara Arabe ngjallën shpresat për një reduktim të koordinuar të prodhimit, por analistët thonë se një masë e tillë nuk ka të ngjarë të aplikohet dhe se do të vazhdojë mbi-oferta.
Treguesi referencë për naftën e papërpunuar evropiane, Brent fitoi gati 6 për qind kundrejt shifrës së tij të mëparshme dhe ishte ende 1 dollarë, ose 3.6 për qind më lart në 31.15 dollarë për fuci.
Anëtarët e OPEC-ut u shfaqën të gatshëm të bashkëpunojnë me prodhuesit e tjerë në reduktim, tha ministri, megjithëse ai shtoi se nafta e lirë tashmë po detyronte një lloj ulje të prodhimit që do të ndihmonte në ribalancimin e vetë tregut.
Kontratat e së ardhmes për naftën e papërpunuar amerikane, ËTI fituan gati 6 për qind dhe ishin ende rreth një dollar më lartë në 27.20 dollarë për fuçi pasi goditën nivelet më të ulëta që nga 2003 në seancën e mëparshme.
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.