“AS” / Klasifikimi i 10 futbollistëve spanjollë që kanë zhgënjyer në klube europiane

04/07/2017 6:02 PM 0 komente
TEMA TE NGJASHME:
Top 10 AS

E përditshmja spanjolle “AS” ka publikuar klasifikimin e dhjetë futbollistëve spanjollë të cilët kanë dështuar në përvojën e tyre, duke luajtur në skuadra europiane.

 

 

1 Bojan Krkc

BOJAN KRKIC – ROMA

I konsideruar si një ndër talentet më të mirë të Barcelonës, ai u pagëzua shumë shpejt si “Messi i ri”, duke thyer edhe rekordin e argjentinasit si golashënuesi më i ri i La Ligës. Roma e bleu për 12 milionë euro. Pas një sezoni zhgënjyes (7 gola) iu dha në huazim Milanit dhe më vonë Ajaksit. Më pas u ble nga Stoke City për 1.8 milionë euro.

 

2. Jose Angel

JOSE’ ANGEL – ROMA

Në vitin 2011, lojtari u ble nga Roma për 4,5 milionë nga Sporting Gijón. Ai zhgënjeu totalisht gjatë sezonit të vështirë nën drejtimin e Luis Enrique. Sot është futbollist i Portos, por është dhënë huazim te Villarreal.

 

3. Jese

JESE’ RODRIGUEZ – PARIS SG

Yll i lindur tek Real Madrid. Mungesa e aktivizimit te Reali bëri që ai të transferohej tek Paris SG verën e kaluar. Çuditërisht vetëm pas pak muajsh në Paris, në janar u huazua te Las Palmas.

 

4 Reyes

JOSE’ ANTONIO REYES – ARSENAL

Talent i Seviljes, ku ka debutuar që në moshën 16-vjeçare. Në vitin 2003 kaloi tek Arsenal, ku qëndroi për tre sezone, por duke mos lënë shenjë. Për momentin është futbollist i lirë pa kontratë.

 

5. Nolito

NOLITO – MANCHESTER CITY

I blerë në moshën 22-vjeçare nga Barcelona, iu shit më vonë Benfica-s. Korrikun e shkuar u ble nga Manchester City, por dëshira e spanjollit është që ta lërë Anglinë.

 

6 Mendieta

GAIZKA MENDIETA – LAZIO

Kapiteni i Valencias në fundin e viteve ‘90 u ble nga Lazio në vitin 2001 për 89 miliardë lira. Pasi mbylli sezonin duke mos shënuar asnjë gol, iu dha në huazim Barcelonës. Më pas u ble nga Middlesbrough ku qëndroi deri në vitin 2008.

 

7 Helguera

IVAN HELGUERA – ROMA

Ai nënshkroi kontratë me Romën në vitin 1997, për 5 miliardë lira, por luajti vetëm shtatë ndeshje. U kthye në Spanjë, së pari me Espanyol dhe më pas tek Real Madrid, klub me të cilin fitoi trofe të shumtë.

 

8 De la Pena

IVAN DE LA PEÑA – LAZIO

U afirmua tek Barcelona në mes të viteve ’90 duke luajtur në mesfushë së bashku me Guardiolën. Në verën e vitit 1998, me ardhjen e Van Gaal në pankinën e blaugranave, iu shit Lazios për 30 miliardë lira. Iu dha në huazim Marsejës dhe më pas sërish Barcelonës, për t’u kthyer tek Lazio në vitin 2002. Karrierën e tij e mbylli tek Espanyol, ku shënoi dopjetë në derbin e fituar 2 -0 kundër Barcelonës në sezonin 2008-‘09.

 

9 Guardiola

JOSEP GUARDIOLA – ROMA

Në fund të karrierës me Barcelonën, vendosi të provojë fatin në Itali. Dy vjet luajti te Brescia e Carlo Mazzone-s dhe më pas kaloi tek Roma për vetëm 6 muaj, pasi verdhekuqtë në janar të vitit 2003 vendosën ta rikthejnë në Brescia.

 

10 Jose Mari

JOSE’ MARI – MILAN

Milan e bleu nga Atletico Madrid për 40 miliardë lira. Gjatë viteve 1999-2002 shënoi vetëm 5 gola me kuqezinjtë. Më pas u kthye tek Atletico dhe e mbylli karrierën e tij duke luajtur për skuadra të ndryshme spanjolle.

 

 

 

 

Share on FacebookTweet about this on TwitterShare on Google+Share on LinkedInEmail this to someonePrint this page

Komente

Jeni i pari për të shkruar një koment!

Notify of

wpDiscuz