Kuzhinat: te thjeshta dhe funksionale

23/08/2009 00:00 0 komente

Modele kuzhinash që ju lënë pa mend

Tendencat e fundit të 2009-ës: Nëse jeni gati të projektoni kuzhinën tuaj të re dhe nuk dini nga t’ia filloni apo thjesht dëshironi t’u hidhni një sy dizajneve të reja të kuzhinave, ky është vendi i duhur për të parë

Ne i pëlqejmë shumë kuzhinat dhe e dimë që edhe ju i pëlqeni! Nëse jeni gati të projektoni kuzhinën tuaj të re dhe nuk dini nga t’ia filloni apo thjesht dëshironi t’u hidhni një sy dizajneve të reja të kuzhinave, ky është vendi i duhur për të parë. Nga më e thjeshta deri te më sublimja, ne kemi mbledhur projektet, idetë dhe pajisjet e kuzhinave tona të preferuara, të tëra në një vend. sot po shkohet gjithnjë e më shumë drejt kuzhinave të jenë të thjeshta dhe efeciente. Jemi te gjërat bazë. Raftet e hapura mbajnë çdo gjë të arritshme pranë hapësirës së sobës.

Stolat e tipit të bareve në banak janë të domosdoshme. Mund të lexoni gazetën dhe të hani mëngjes në banak. Kjo është mënyra që të gjithë njerëzit parapëlqejnë të jetojnë në ditët e sotshme.

Duket se kjo funksionon. Kuzhinat duhet të duken mirë, por duhet të jenë funksionale. Një sirtar takëmesh prej dy rreshtash kursen vend dhe i mban argjendurinat të organizuara mirë.

Kuzhinat janë dhomat moderne të ndenjes. Aty duhet të ketë hapësirë për gatim, ngrënie dhe një vend të rehatshëm ndenjeje. Përpara oxhakut të kuzhinës së vitit 2009.

Sot kuzhinat janë thelbi i shtëpisë. Duhet të jeni në gjendje të gatuani dhe të jetoni aty.

Kuzhina e vitit 2009 nuk ka nevojë për shumë pajisje që t’i mbajë gjërat të sistemuara. Kuzhinat duhet të jenë funksionale, jo zile dhe bilbila. Erëzat janë të organizuara mirë dhe të arritshme lehtësisht.


Pllaka me mozaikun “Myriad”

Projektuesja Janet Metson Urman e ka gjallëruar këtë kuzhinë në Los Anxhelos, me një ylber pllakash shumëngjyrëshe. “Ne tashmë i dinim materialet për banakët, enët prej çeliku të pandryshkshëm dhe bufenë prej dru bredhi ‘Douglas’ dhe kështu zgjodhëm ngjyrat që do të shkonin më mirë me këto”, u shpreh ajo. “Në fund zgjodhëm 13 ngjyra nga koleksioni ‘Lake Garda’, nëpërmjet Ann Sacks: okër, krom, jeshile në krom, dru sandali, gri, ngjyrë limonade, vjollcë, ulliri, gjethe dafine, papaja, qelibar, frutë pasioni, kamosh dhe rozë të mbyllur”.

Një kuzhinë jo kuzhinë

Veshje me dërrasa në ngjyrë të errët, piktura me bojëra vaji dhe një divan mund t’ju bëjë të mendoni se keni hasur një librari dhe jo një kuzhinë në këtë dhomë në Charlotte, në Karolinën e Veriut, por në fakt, është një kuzhinë shumë funksionale. “Ajo çfarë më pëlqen te kjo dhomë është se kjo është pothuajse jo kuzhinë. është një hapësirë e bukur, që funksionon më së miri si një kuzhinë, në një familje me tre fëmijë të vegjël dhe jo një strehë beqarësh apo hapësirë bosh”, shprehet arkitekti Ken Pursley.

Kuzhinë Teksasi me stil francez

Kjo kuzhinë në Dallas ka diçka shtesë nëpër mure. “Janë pllaka të bonifikuara, të marra në Francë, nëpër dyshemetë e ndonjë ‘château’”, thotë projektuesja Shannon Bouers. “Dëshiroja të kisha ndjesinë e një kuzhine të botës së vjetër. Ishte pak e guximshme nga ana ime të bëja një kthim prapa në kohë kaq të spikatur. Paleta ime është zakonisht më e butë. Por kur e pashë këtë lloj pllake — ngjyrat, thjeshtësia, vërtetshmëria e saj — e dija që duhej ta përdorja patjetër për këtë kuzhinë”.

Kuzhinë me tendencë dramatike

Pronari i kësaj shtëpie në Napa Valley është shumë i përfshirë në fushën e artit, sipas projektuesit Erin Martin. Në kuzhinë, dekorimet dhe arkitektura konspirojnë që ta bëjnë këtë dhomë gazmore dhe pak teatrale. Dizajni blu dhe i bardhë i artistit Michael Duté i sjellin muret dhe tavanin cilindrik në formë kupole, më në jetë. Një lavaman ferme dhe banakët e mermerit e ruajnë cilësinë rurale dhe primitive të godinës. Meqenëse frigoriferi është inkaso, duket sikur e vetmja pajisje kuzhine e dukshme është soba. Dritaret me kanate dhe dyert rrinë të hapura, duke futur brenda dritën dhe flladin e erës.

Kuzhinë me ngjyrë në Manhatan

“Klientët tanë, një çift te të 40-at, me dy vajza të vogla, dëshironin diçka moderne dhe gazmore, por që edhe kishte një nuancë të syrit admirues për të kaluarën”, thotë dizajnuesi Uilliam Diamond për këtë banesë në Manhatan. Banaku i bërë me porosi mbulohet me një pllakë të madhe mermeri statujash, e trashë 5.1 centimetra. Të gjitha rubinetet nga Dornbracht. Llambat e stilit italian të viteve 1960 u përshtatëm shkëlqyeshëm me skemën e ngjyrave të Diamond dhe Anthony Baratta.

Bufetë me hijeshi të kohës

Projektuesja e “Home Depot”, Emily O’Keefe, i shtoi këtë bufe të hijshme kësaj kuzhine të vogël. “Meqenëse vendi ishte i ngushtë, ne e ngjitëm bufenë deri lart”, shprehet ajo. “Tavanet janë 3.3 metra të lartë, por jo çdo pjesë e bufesë prek tavanin, kështu ajo duket më shumë si mobilim”. Paraqitur në botimin e shkurtit 2007.

Depo e thjeshtë

Banakët me beton të derdhur mbulojnë bufetë e lëmuara që janë ndërtuar për të ruajtur sende. Dizajni nga “Form Architecture + Interiors”. Botuar në gusht 2006.

Kuzhinë me tavan të lartë
Megjithëse kjo kuzhinë nuk është e madhe, ajo ka një tavan 3 metra të lartë. Dizajnuesja Nancy Boszhardt mendoi se do të ishte më e ngrohtë me një tavan të “fortë”, që do minimizonte vertikalitetin e saj. Në vend të përdorte dërrasa të stolisura si në pjesën tjetër të shtëpisë, këto dërrasa i la të hapura dhe shtoi punime të stilit të vjetër. Botuar në tetor 2007.

Kuzhina e Ina Garten
është e vështirë të përfytyrohet një kuzhiniere e madhe si Ina Garten në një kuzhinë të vogël, por në të vërtetë, ajo e pëlqen këtë gur të çmuar të vogël në apartamentin e saj në Manhatan, të paraqitur në “House Beautiful” në maj 2007. “Le të themi vetëm se kur e bleva këtë apartament, i thashë burrit që thjesht mund të rregullonim kuzhinën, ta lyenim të bardhë dhe të hynim aty menjëherë”, shprehet ajo. “Pastaj, fola me arkitektin tim, Richard Luis, dhe ai tha: ‘Rindërtim total’. Ne bëmë me të vërtetë një kuzhinë të efektshme me banak gatimi, një frigorifer dhe ngrirës poshtë banakut, makinë larëse për enët, sirtarë të mëdhenj. Në mënyrë të çuditshme,  më pëlqen kuzhina më e vogël. është shumë më eficente. Më pëlqen t’i kem gjërat të kursyera, gjithsesi”. Pjatalarëse “Bosch”, frigorifer “Liebherr”, dhe ngrirës Nën-Zero janë futur nën banakun prej graniti Petit, një gur belg. Rubineti, në formën e qafës së patës “Easton Classic”, mbush lehtësisht enë të mëdha, dhe Garten e pëlqen nikelin e lustruar, sepse duket si argjend i vjetruar.

Një kuzhinë vërtet e vogël

Kjo kuzhinë e vogël njujorkeze ka një vend për çdo gjë, thotë dizajnuesja Stephanie Stokes. “Pasi kisha projektuar kaq shumë kuzhina për njerëz të tjerë, e dija saktësisht se ç’dëshiroja dhe çfarë më duhej”, thotë ajo. Hapësira e gatimit me pasqyrë, furrë elektrike që paloset si banak dhe bufe të thjeshta, ndihmojnë në krijimin e iluzionit të madhështisë. Paraqitur më korrik 2008.

Kuzhinë e vogël, tavan i lartë

Një tavan ngjitës ndihmon që kjo kuzhinë e një vile në Hamptons, dizajnuar nga Leslie Klotz, të duket më e madhe. Rafte të hapura dhe pa bufe të sipërme gjithashtu ia arrijnë këtij qëllimi. Kapak dhe sobë “Viking”.

Kuzhinë e vogël në Napa Valley

Kjo kuzhinë e vogël, në një vilë në Napa Valley, ka rafte të hapura, në vend të bufeve të sipërme, në mënyrë që të krijohet ndjesia e ajrosjes. Raftet dhe banakët janë bërë prej metalit të galvanizuar dhe bufeja është bërë nga dru gardhi të vjetër. Susta kamionësh të qëmoçme, të përdorura si stola, janë gjetur në “Artefact Design & Salvage”. Dizajnuesi dhe pronari i shtëpisë, Ken Fulk, i ka gjetur abazhurët e varur të qëmoçëm industrialë në një treg sendesh të përdorura në Paris.

Mobilie që zënë vend në një kuzhinë të vogël

Një treshe pupash mund të futen poshtë banakut për të kursyer vend në këtë kuzhinë të vogël, e dizajnuar nga Susan Ferrier në një shtëpi fshati në Alabama. “Nuk do të donit që syri të pengohej në një vend të ngushtë”, shprehet Ferrier për dekorin e qetë dhe neutral të shtëpisë. “Do dëshironit që syri të lëvizte natyrshëm nga njëra gjë tek tjetra, nga një ngjyrë në një ngjyrë të ngjashme, nga njëra formë në një tjetër të ngjashme”.


E vogël dhe e thjeshtë në Kaliforni

Kjo vilë e vogël në Kaliforni i mban gjërat e thjeshta, ashtu si edhe kuzhina modeste. “Klientët e mi pranojnë me shaka se mund të djegin edhe ujin, kështu që kuzhina është përshtatur kryesisht për dëfrim më shumë sesa funksion, me një tavolinë të madhe në vend të banakut”, thotë dizajnuesi Chad Eisner. “Ne provuam një banak qendror, por dukej si një monstër. Pastaj u gjet kjo tavolinë. Ajo ishte përdorur nga një artist dhe kishte shumë të çara dhe gërvishtje, kështu që askush nuk do të jetë në merak për gërvishtje apo njollosje të mëtejshme. Punimet e drurit dhe bufetë rrethuese janë në të njëjtën ngjyrë të errët që kemi përdorur në të gjithë shtëpinë”.

Shkruaj një koment

Ju duhet të logoheni për të komentuar.