Mal i Zi/ Paga mesatare mujore arrin në 511 euro

19/03/2017 8:05 AM 0 komente
TEMA TE NGJASHME:

Paga mesatare mujore në Mal të Zi në janar, duke përjashtuar tatimet dhe kontributet, ishte 511 euro. Sipas Entit për Statistika (MONSTAT) kjo shifër është 0.4% më e lartë në krahasim me muajin e kaluar.
Paga mesatare në janar pa tatime dhe kontribute, në krahasim me të njëjtin muaj të vitit të kaluar, u rrit me 4.3%, ndërsa në krahasim me fitimin mesatar neto të vitit të kaluar, ishte 2.4% më e lartë.
Në janar, paga mesatare bruto ishte 767 euro.
Ekspertët e statistikave thonë se duke marrë parasysh faktin e rritjes së çmimeve të konsumit, të cilat në muajin janar në krahasim me muajin dhjetor të vitit të kaluar janë rritur për 0.3%, del se fitimi i vërtetë neto në të njëjtën periudhë u rrit me 0.1%.
Për sa u përket sektorëve, rritje e pagave u shënua në sektorin e argëtimit dhe krijimit, komunikimit, shëndetësi dhe mbrojtje sociale, ndërsa rënie pati në administratën publike, bujqësi, peshkim dhe sigurime financiare.

Share on FacebookTweet about this on TwitterShare on Google+Share on LinkedInEmail this to someonePrint this page

Komente

Jeni i pari për të shkruar një koment!

Notify of
avatar
wpDiscuz