Maqedoni/ Çmimi i apartamenteve do të rritet

28/03/2019 9:00 AM 0 komente

Çmimi i apartamenteve në Shkup pritet të rritet. Oda ndërtimore e Maqedonisë njoftoi se kjo do të ndodhë, si rezultat i rritjes së kostove të materialeve ndërtimore, por edhe për shkak të rritjes së kostos së punonjësve në kompanitë e ndërtimit. Me çfarë çmimi do të shiten apartamentet e reja në vend në të ardhmen, do të varet nga cilësia e ndërtesës, vendndodhja dhe mjedisi i biznesit. Të dhënat e Odës Ndërtimore thonë se kostot e ndërtimit për ndërtesat e reja për banim individual në vit janë më të larta për 6 për qind, shpenzimet për materiale janë rritur për 3 për qind, ndërsa për punonjësit ato janë rritur për 13 për qind. Rritja e kostove është rezultat i rritjes së çmimit të energjensëve për transport, së pari për ato materiale që importohen, si dhe për materialet që janë nga prodhimi vendas.

/ ALSAT MK

Komente

avatar
  Subscribe  
Notify of