Mobilim Ultramodern

21/03/2010 00:00 0 komente

Mobilie me pasqyra moderne – mobilie të mbuluara me pasqyra

Pasqyrë, pasqyrë në mur, koleksioni me pasqyra moderne nga “Porada” është më i bukuri nga të gjithë! Kjo mobilie e mbuluar me pasqyrë është kulmi i stilit trendi dhe i shton një faktor magjepsës çdo ambienti. Dollapi perandorak me kornizë dhe dyer prej pasqyre iu lejon t’i ruani sendet me shumë stil. Dyert janë të aktivizuara me një sistem me prekje, kështu që nuk ka doreza apo pajisje të tjera që mund të tërheqin vëmendjen nga kjo pamje e lëmuar dhe elegante. Shoqërojini këto mobilie të pastra me raftet e varura në mur, të cilët gjithashtu janë të mbuluar me pasqyra. Vetëm apo komplet, këto rafte fshehin brenda libra dhe çfarëdo materiali tjetër leximi prapa dyerve të tyre shik. Meqenëse i jeni nisur kësaj rruge, pse të mos ta dekoroni me stil, duke blerë edhe një pasqyrë dyshemeje të madhe “Megalux”. Me një kornizë po prej pasqyre, këto pasqyra muri të mbështetura në dysheme e dyfishojnë dëfrimin e të dekoruarit.

Mobilie të ndryshme moderne

Kompanitë e mobilieve luksoze italiane sjellin pjesë skulpturore dhe të pazakonshme, që janë po aq të pashme sa janë dhe funksionale – janë të domosdoshme në një shtëpi moderne. Portmantotë “Flamingo” prej druri iu ofrojnë pak rregull në kaosin e rrobave të tepërta. Këto dizajne lozonjare ju lejojnë të varni aty edhe kapelat tuaja. Për të përshtatur nevojat tuaja për hapësirë ruajtjeje, dollapi “Empire” është veshur plot stil, në një veshje të zezë apo lustër të shkëlqyer të bardhë dhe konturohet nga një kornizë moderne me pasqyrë. çdo derë e përparme paraqet një formë “burme” rrethore dhe ka një sistem që aktivizohet me prekje për lehtësi përdorimi. Pastaj mund të uleni dhe të ngrini këmbët tuaja në një pupë luksoze prej lëkure “Alcide”. Këto pupa klasike të bardha dhe të zeza do të plotësonin çdo stil dekorimi- modern, tradicional apo diçka midis këtyre dy stileve.

Divane të butë modernë – divan i kuq prej poliuretani

Jeni kredhur ndonjëherë në një nga ato çantat-shtrat për kamping, duke pyetur veten “Pse nuk kanë bërë divane me material të tillër”. Epo, dëshira juaj mund të jetë realizuar – këto divane të butë modernë janë të zbukuruar me pelush dhe të gatshëm që t’ju ftojnë të kridheni në to. Divani prej poliuretani është duke e riformuluar idenë e të mobiluarit, me përbërjen e tij pa formë dhe pa kontur. Ky divan trevendësh përmban edhe mbështetëse të lëvizshme dhe të ripozicionueshme, të cilat të lejojnë të shijosh si një divan me konfigurime të ndryshme, ashtu edhe një krevat të rehatshëm, pa u lodhur fare. Ky dizajn i rehatshëm dhe funksional është krijuar për t’u shtrirë sa gjatë e gjerë, për t’u çliruar e për t’u shtrirë me nge në të gjitha mënyrat.

Dizajn mobiliesh moderne: Kolltukë, tavolina mesi dhe divane
Me një stil të pazakontë, këto dizajne mobiliesh moderne do t’ju sjellin sigurisht pak ngazëllim modern në jetën e përditshme. Këta kolltukë, tavolina mesi dhe divane  mburren për silueta unike të shoqëruara nga një gamë e gjerë ngjyrash të ndezura, të cilat i veçojnë menjëherë nga të tjerat.

Kolltuku “Sissi” përmban mbështetëse delikate për shpinën dhe krahët, që lakohen butësisht si petale lulesh, duke qëndruar mbi këmbë të holla prej çeliku. Pamja e tyre e lehtë i bën shumë të përshtatshme për vende me hapësirë të vogël dhe dizajne moderne. Mbulesat prej pëlhure janë të lëvizshme, kështu që mund të lahen apo të ndryshohen sipas dëshirës!

Tavolina e mesit “Slice” ka një formë asimetrike bashkëkohore. Baza e lustruar prej druri ngjan me një tabelë shahu të paniveluar, mbuluar me një shtresë të trashë xhami. Shumë e këndshme!

Divani që paloset është një pjesë tjetër e këndshme mobilieje që mund të përshtatet për vende me hapësirë të vogël apo të madhe, në sajë të dizajnit të manovrueshëm. Pozicionojini në versionin e madh apo të vogël dhe ndërtojini në një sërë kompozimesh, sipas stilit dhe nevojës suaj.

“Jemily” është një tjetër divan i manovrueshëm shumëfunksional, që karakterizohet nga mbështetëset asimetrike dhe konturet e pastra dhe bashkëkohore. Mbështetëset e lëvizshme do të thonë që ju mund të kombinoni pjesët në kënde të ndryshme, për të krijuar një divan “me porosi”.

Kaloriferë të pazakonshëm 

Bëjeni shtëpinë tuaj një vend funksional dhe modern me këta kaloriferë të pazakontë. Ky është një projekt i pazakontë në formë zarësh, të disponueshëm në një model dyshemeje bardhezi, të cilët mund të vendosen njëri mbi tjetrin vertikalisht apo të renditen horizontalisht sipas komoditetit që lejon hapësira e dhomës suaj. Për një vend më të vogël, por njësoj gazmor, kaloriferi Kb8  është një dizajn i montueshëm në mur, ideal për apartamente në godina me bashkëpronësi, apo komplekse apartamentesh. Ky model përbëhet nga zarë të puthitura në ngjyra të këndshme metalike, duke i dhënë mundësi shtëpisë suaj të ngrohet në shumë mënyra. Kaloriferi Rock and Roll nga Karim Rashid është një dizajn tjetër shumë simpatik: “i ngrohtë, i puthitur njëri mbi tjetrin, në forma të mahnitshme!”. Të disponueshëm në ngjyrë metalike supermoderne apo në ngjyra bashkëkohore sipas preferencave të blerësit, këta tipa kaloriferësh janë një mënyrë artistike për të shijuar ngrohjen në dimër.

Ide për dizajnim dhe dekorim të ambienteve të jashtme

Këto ambiente të jashtme fantastike do të rivalizonin çdo lloj dizajni tjetër të brendshëm, si për nga komoditeti, ashtu edhe nga stili i dekorimit. Keni marrë ndonjëherë në konsideratë të vendosni një vaskë në hapësirën jashtë shtëpisë suaj, ku ju qëndroni për t’u çlodhurr “Kettal” ka krijuar një spa romantike për ambiente të jashtme, të kompletuar me një vaskë-fshati tepër “shik”, të shoqëruar me një tavolinë të koordinuar zjarri “ZigZag” me vatër të integruar, tavolina anësore, kolltukë dhe minderë. Këto pjesë të lyera alumini janë të durueshme dhe i mbijetojnë çdo lloj klime, ndërkohë që duken mahnitëse gjatë gjithë vitit.

Koleksioni “Maia”, i dizajnuar nga Patricia Urquiola, është frymëzuar nga rrjeta e ndërlikuar e një merimange, me një thurje delikate të aluminit dhe të lyera në një gamë të gjerë ngjyrash. Këto pjesë përfshijnë kanape, divanë për sallone pritjeje, ulëse dhe tavolina të çdo lloji – tavolina anësore, tavolina mesi, ngrënieje dhe çfarëdolloj tjetër. Pamja e këtyre mobilimeve të tejdukshme është e lehtë.

Ide dizajni për dhomën e pritjes së shtëpisë bashkëkohore

Ja një ide për një dhomë ndenjeje bashkëkohore, me një frymëzim të marrë nga ofertat e fundit për mobilim të dhomave të ndenjes nga “Primafila”. Lyejini muret tuaja (ose të paktën një faqe muri) në ngjyrë të zezë me hije gri dhe në sfond të këtij muri vendosni divanin tuaj në ngjyrë portokalli të theksuar, shoqërojeni me aksesorë si tavolina anësore në të bardhë dhe një abazhur të gjatë të zi, vendosni një tapet të kuq ose ngjyrë vishnjë para divanit, dhe… ja tek keni një dhomë ndenjeje me një dizajn tepër ftues dhe dramatik. Në këto foto mund të shikoni divanin më të ri ngjyrë portokalli të ndezur të quajtur “Fly”  një llambë trendi dhe moderne të quajtur “Twiggy”.

Frymëzime klasike të ambienteve të brendshme

Ky dizajn klasik ambientesh të brendshme nga Pietro Carlo Pellegrini sjell jetë të re (dhe dashuri!) në një papafingo të një godine të vjetër historike në Lucca të Italisë. Një dhomë ndenjeje me stil urban mbizotërohet nga dy divane shik në ngjyrë të errët blu – të quajtur “Mex Cube Sofa” nga dizajnuesi Piero Lissoni dhe një divan fin në ngjyrë të bardhë nga Philippe Starck, të quajtur “Private sofa” – përballë mobilies kryesore të këtij seti, një mur i zi me mozaik “Bisazza” që quhet “Napoleon”. (është për t’u admiruar edhe skulptura e bardhë e një kaktusi!) Dyshemeja me laminat prej druri lisi dhe një tavan me trarë të ekspozuar të lyer në të bardhë, i japin kësaj hapësire stil nordik. Nëpërmjet dritareve çuditërisht të vogla, grilat e bardha natyrale dhe perdet e tejdukshme të bardha e mbysin me diell këtë hapësirë të madhe. Kuzhina është një dhomë më vete pas murit me xham ultramodern që paloset. Dollapë të bardhë janë rreshtuar në muret e tjerë të dhomës dhe në qendër një banak-tavolinë e zezë ofron hapësirë për të përgatitur ushqimin; aty gjendet dhe një sobë gatimi dhe vend për të ngrënë. Një korridor intrigues i ndriçuar në blu të udhëheq nga hapësirat e ngrënies dhe ndenjes për në dhomat e fjetjes. Dhoma kryesore e gjumit është një hapësirë ëndërr-ndjellëse e mobiluar me një krevat të bardhë. Banja që i përket kësaj dhome, gjithashtu një kryevepër në ngjyrë të zezë, është e dekoruar me një pasqyrë të pazakontë, që qëndron pezull mbi një lavaman shik prej graniti.

 
Ide për zyra në shtëpi

Ndonjëherë nuk mund ta shmangni dot sjelljen e punës në shtëpi, por me një zyrë elegante në shtëpi si kjo, mbase nuk do t’ju mundonte shumë puna e përditshme dhe monotone. Këto ide interesante zyrash në shtëpi nga “Paul Raff Studio” në Toronto dhe Ontario të Kanadasë shfrytëzojnë më së miri hapësirat që ne shpesh i injorojmë ose nuk i vëmë re, si për shembull hapësira poshtë shkallëve të brendshme ose hapësira në mur. Një tavolinë pune nën shkallë ofron intimitet dhe qetësi në këtë dhomë të gjerë, të hapur dhe trefish të lartë. Një sistem dollapësh muri ofron mjaft vend për të ruajtur dosje, libra dhe pajisje kompjuterike, të gjitha mund të fshihen prapa dyerve të dollapëve. Prapa dyerve mund të gjeni gjithashtu një stivë drush zjarri që mund të përdoren për t’u djegur në zjarrin që mund të ndizni në sobën e druve me eficencë të lartë, që përfshihet brenda këtij dollapi. Vlen të përmendet se gjithashtu në dollap përfshihet një minibar.
 
Ide për dizajnin e banjave: Stili fshati kundrejt stilit modern
 
E thjeshta takohet me modernen në vendin më të pazakontë – në këtë banjë me dizajn unik, të paraqitur nga mjeshtri spanjoll i pajisjeve shtëpiake Gunni. Kjo banjë është ndërtuar në një hapësirë që duket si një papafingo e prishur apo një hangar fshati. Kjo banjë katërpjesëshe nga Duravit qëndron në mes të kësaj hapësire të vjetruar, por të bukur, e zhytur në një ndriçim të mjegulluar që hyn nëpërmjet mureve prej druri të kompresuar nën tavanet me trarë të ekspozuar. Një oxhak zjarri i ndezur i shton ngrohtësi dhe origjinalitet. Ngjyra e bardhë dhe e pastër, porcelani i hijshëm dhe pamja bashkëkohore e lavamanit, vaskës, tualetit dhe bidesë janë elementë të pazakontë në kontrast me këtë banjë dheu, duke krijuar një atmosferë që ofron mirëqenie, meditim, përtëritje dhe sigurisht shije të mirë.

Shkruaj një koment

Ju duhet të logoheni për të komentuar.