NBA, sponsorët e fanellës rrisin fitimet, më shumë se 1 mld dollarë

16/05/2018 3:20 PM 0 komente

Rritet gjithnjë e më shumë vlera e sponsorizimeve për NBA dhe për 30 franchize që bëjnë pjesë në të. Në sezonin 2017/18, vlera totale e marrëveshjeve të sponsorizimit duhet të arrijë 1,12 miliardë dollarë, me një rritje 31% krahasuar me 2016/17, sipas ESP Sponsorship Report, të agjencisë IEG.

Ndikimi i sponsorëve të rinj të fanellës ka qenë në këtë kuptim i rëndësishëm, duke rritur fitimet nga sponsorizimet: rritja në përqindje është më shumë se gjashtë herë më e madhe se parashikimi +4,9% për 2017 nga IEG dhe +4,5% e rritjes së sponsorizimeve në Amerikën e Veriut.

21 ekipe kanë nënshkruar marrëveshje komerciale që përfshijnë sponsorizime për fanellën, për një vlerë totale 137 milionë dollarë (6,5 milionë komisione mesatare vjetore). Vetëm kjo shifër përfaqëson një rritje me 16% të të ardhurave totale nga sponsorizimet në NBA.

Edhe marrëveshjet e reja dhe të shtrira në nivel kampionati kanë luajtur një rol kyç në rritjen pa precedentë të sponsorizimeve në NBA. Ndikim i rëndësishëm ka ardhur nga marrëveshja me Nike, që sipas zërave paguan më shumë se dyfishin krahasuar me Adidas për furnizimin e materialeve teknike.
Duke u bazuar në një tendencë të vërejtur në 10 vitet e fundit, kompanitë e sigurimeve janë kategoria më aktive që sponsorizon NBA. Kompanitë e sigurimeve kanë 5 herë më shumë mundësi të sponsorizojnë NBA se mesatarja e gjithë kategorive.

State Farm ruan statusin si sponsori më aktiv në NBA, 68% e franchise me një sponsor në kategorinë e kompanive të sigurimeve kanë një bashkëpunim me State Farm Comcast.
Papa John’s e Molson Coord kanë zëvendësuar Adidas, McDonald’s e Lexus në listën me dhjetë sponsorët më aktivë.

 

 

Share on FacebookTweet about this on TwitterShare on Google+Share on LinkedInEmail this to someonePrint this page

Komente

Jeni i pari për të shkruar një koment!

Notify of
avatar
wpDiscuz