Bizneset e reja që janë regjistruar gjatë 2015-2016, po ankohen se janë gjobitur nga Drejtoritë rajonale të tatimeve me nga 10 mijë lekë gjobë për vonesa në deklaratën e regjistrimit të administratorit. Ligji për sigurimet shoqërore detyron bizneset e reja që të deklarojnë në tatime administratorin për efekt sigurimesh 48 orë nga marrja e NIPT-it.
Ndërkohë bizneset ankohen se, ky kufizim në kohë që është shndërruar në burim gjobash nuk është normal. Ata pohojnë se dy ditë ose më shumë kërkon regjistrimi në QKR dhe dy tre ditë në tatime aktivizimi online, kohë e cila ka kaluar afatet e regjistrimit te deklarimit për shtim punonjësish për herë të parë. Bizneset e reja të regjistruara në këtë periudhë ishin rreth 38 mijë.
Por, Drejtoria e Përgjithshme Tatimeve apelon që jo çdo penalistët që marrin bizneset është për faj të tatimeve.
Erion Prifti, drejtori i Drejtorisë së Shërbimeve ndaj Tatimpaguesit, pohoi se edhe në këtë rast si çdo herë tatimet kanë zbatuar ligjin i cili e ka shumë mirë të rregulluar regjistrimin e biznesit dhe deklarimin e administratorit, rishtaz. Prifti tha se teknikisht me marrjen e NIPT-it sistemi online i tatimeve e regjistron automatikisht pa pasur nevojë për dy apo tre ditë. Mirëpo bizneset që regjistrohen për herë të parë tha ai nuk i njohin ligjet dhe rregullat dhe për tepër regjistrimin online. Mirëpo tatimet edhe në këtë rast e kanë zgjidhur ngërçin tha Prifti. Në faqen zyrtare të tatimeve (www.tatime.gov.al) janë mbi 20 numra kontakti, me të cilat bizneset e reja konsultohen se si të regjistrohen.
Prifti tha se në këtë rast tatimet janë vetëm agjenti i Sigurimeve shoqërore dhe zbaton ligjin përkatës, duke ju bërë thirrje bizneseve të lexojnë ligjet dhe të konsultohen me zyrën e tatimpaguesit para se të nisin një biznes me qëllim që të shmangin gabimet e për rrjedhojë edhe penalitet.
Ndërkohë një ekonomist që mban llogaritë e 15 bizneseve të vogla pa TVSH dhe që ka një eksperiencë të gjatë me tatimet dhe regjistrimin në QKR, pohon se njoftimet për marrjen e gjobës i kanë ardhur me 1 vit vonesë. Të gjitha bizneset që ia ka regjistruar janë gjobitur me 10.000 lekë të reja për vonesa ne deklarim te sigurimeve shoqërore në vitin 2015 në muaj të ndryshëm.
Ekonomisti sqaron më tej se, njoftimi i ka ardhur nga Drejtoria Rajonale e Njësisë së Tatimpaguesve të Mëdhenj, ndërkohe qe ata janë tatimpagues të vegjël. Me tej ai shton se, ka dërguar 20 emaile në drejtim të tatimeve ku kërkon sqarime mbi gjobën dhe afatet e deklarimit të punonjësve, por nuk ka marrë ende asnjë përgjigje.
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.
Ti z.prifti si ka mundesi qe nje i vetepunesuar i vetem rregjistrohet esht i rregjistruar ne vitin 2015 dhe statusi i tij tregon qe eshte pa punemarres qe ska deklarate e027( qe sistemi duhet ta bente vet automatikisht) merr nje gjob ne qershor te 2016.ne baze te kujt ligji shpjegohet kjo?
Ti zoti prifti pse na i nxorre gjibat 10.ooo lekeshe pas 10 muajsh?Apo ju duhen lek.Apo mban ky popull?Na trego pak ligjin te lutem.
Po kjo eshte plotesisht e vertete. Nje rast te ngjashem kam edhe une. Aktualisht mbaj llogarite e 10 Personave fizike pa TVSH, te cilet jane krijuar ne periudhen Shtator – Dhjetor 2015. Te gjithe keta subjekte jane denuar me gjobe 10.000 per deklarim me vonese te formularit ESIG027(dmth deklarimi i fillimit te punes te vetepunesuarit i cili eshte person fizik i vetem). Kjo gje eshte totalisht e papranushme, pasi eshte e pamundur qe nje person fizik ta deklaroje daten e fillimit te punes me perpara se te mare Niptin. Ata duan nje periudhe 2-3 ditore qe te terheqin Niptin dhe… Read more »
1.Ne ligj nuk citohet asnjeher per te vetpunesuarin ose administratorin te cilet quhen te regjistruar qe ne momentin e aplikimit te tyre ne Qkr.
2.Kur aplikon per regjistrim ne Qkr dt.31 dhe niptin e merr te nesermen ne dt.1 muaji pasardhes,ne sistemin e tatimeve detyrimisht regjistrimin do e besh kur ke aplikuar ne qkr, dmth dt 31. Pra detyrimisht do marresh gjobe.
Keto gjoba nuk kane vlere per te vetpunesuarit ose administratoret dhe jane komplet jashllogjike. Kjo ska ndodhur ne 25 vjet