Britania mori një hap vendimtar për një Brexit pa dëmtime, pasi anëtarët e Parlamentit dhe krerët politikë mbështetën përpjekjet për të parandaluar largimin e çrregullt nga Bashkimi Europian.
Dhoma e Përfaqësuesve votoi pak para mesnatës të mërkurën për të bllokuar një divorc pa marrëveshje, duke ‘shkatërruar’ ëndrrën e disa anëtarëve të Partisë Konservatore të Kryeministres Theresa May, për një ndërprerje të pastër me bllokun, javën e ardhshme, në 12 prill.
Projektligji – i cili mund të kundërshtohet – fitoi me një votë të vetme më shumë dhe tani do të shkojë në dhomën e Sipërme të Parlamentit për të përfunduar të enjten përparimin e saj.
Ndërsa Lordët po debatojnë projekt-ligjin e diskutueshëm, Tories e May-it dhe Partia Laburiste e opozitës Jeremy Corbyn do të mbajnë bisedime intensive për të kërkuar një pozitë kompromisi mbi marrëdhënien pas Brexit me BE. Të dy udhëheqësit mbajtën diskutimet fillestare të mërkurën që të dy e përshkruan si “konstruktive” dhe ranë dakord të emërojnë ekipe për të vazhduar bisedimet.
*Bloomberg News