Punimet në Vorë – K/Rinasit – Fushë-Krujë, ARRSH: Si do të bëhet kalimi në pjesën e bllokuar

14/09/2018 1:54 PM 0 komente

Autoriteti Rrugor Shqiptar ka njoftuar për mënyrën sesi do të bëhet qarkullimi në aksin Vorë-Kthesa e Rinasit – Fushë-Krujë, në të cilin po kryhen ndërhyrje rehabilituese.

Referuar njoftimit, ARRSH jep detaje për kalimin e mjeteve që vijnë nga Kthesa e Doganës Tiranë si dhe për ato që kalojnë në këtë segment, duke hyrë nga Veriu i vendit.

“Në vijim të njoftimeve të mëparshme lidhur me rehabilitimin e segmentit Vorë – K/Rinasit – Fushë-Kruje ju rikujtojmë përdoruesve të rrugës se segmenti nga Kthesa e Doganës së Tiranës deri tek kthesa për Prezë është i bllokuar plotësisht për arsye të kryerjes së punimeve rehabilituese.

  1. Siç edhe është njoftuar më parë Dogana e Tiranës është e aksesueshme nga ana e Vorës. Mjetet mund të aksesojnë Doganën vetëm nëpërmjet segmentit rrugor Vorë – Dogana e Tiranës për të kryer shërbimet Doganore dhe të kthehen përsëri në drejtim të Vorës.
  2. Mjetet e transportit të mallrave/kamionët që udhëtojnë nga Shkodra, Lezha në segmentin Milot – Fushë-Krujë në drejtim të Tiranës dhe Durrësit duhet të ndjekin drejtimin të Kamzës dhe të vazhdojnë udhëtimin nëpërmjet Autostradës.
  3. Mjetet e vogla që udhëtojnë nga Veriu rekomandohet të vazhdojnë udhëtimin në drejtim të Tiranës dhe Durrësit nëpërmjet segmentit rrugor Fushë-Krujë – Kamëz si edhe nëpërmjet segmentit Ahmetaq (kthesa e Rinasit) – Rinas – Qafë Kashar.
  4. Rruga është e hapur gjithashtu për të gjitha automjetet që duan të kryejnë shërbimet e Kontrollit Periodik në qendrën SGS vetëm nëpërmjet drejtimit të Fushë-Krujës” thuhet në njoftim.

 

Share on FacebookTweet about this on TwitterShare on Google+Share on LinkedInEmail this to someonePrint this page

Komente

Jeni i pari për të shkruar një koment!

Notify of
avatar
wpDiscuz