Raporti i Cilësisë së Ajrit: 2120 njerëz vdiqën në Shqipëri nga ndotja e ajrit në 2016

17/07/2017 1:07 PM 0 komente
TEMA TE NGJASHME:

Sipas Raportit të Cilësisë së Ajrit në Europë 2016, në Shqipëri vdiqën prej ndotjes së ajrit 2120 persona. Në pjesën më të madhe, 2010, kjo është shkaktuar prej pranisë së lartë të grimcave në ajër, 10 prej tyre prej dioksidit të nitrogjenit dhe 100 prej ozonit. Në vitin 2013, numri i vdekjeve të shkaktuara nga ndotja ishte 776.

Në rajon, numrin më të lartë të vdekjeve e ka Serbia, ku prej ndotjes së ajrit në 2016 humbën jetën 10,730 persona, ndërsa numrin më të ulët të vdekjeve të shkaktuara nga ndotja e ka Mali i Zi, ku ndotja shkaktoi 660 vdekje sipas Raportit të Cilësisë së Ajrit në 2016.

Në Ballkanin Perëndimor, ndotja e ajrit po shndërrohet në një problem fatal, veçanërisht prej politikave energjetike të këtyre vendeve, shkruan Euractive.

BE, e cila po punon vazhdimisht me qeveritë e Ballkanit Perëndimor për të përditësuar politikat e tyre mjedisore dhe energjetike, ka një rol të rëndësishëm.

Në vendet fqinje, Maqedoni, Malin e Zi dhe Bosnjë, njerëzit kanë nisur protestat për cilësinë e ajrit që thithin.

 

cilesia e ajrit

vdekjet e shkaktuara nga ndotja

Share on FacebookTweet about this on TwitterShare on Google+Share on LinkedInEmail this to someonePrint this page

Komente

Jeni i pari për të shkruar një koment!

Notify of
avatar
wpDiscuz