Rritja e markave të vogla po kërcënon gjigantët e mallrave të konsumit

30/11/2018 10:03 PM 0 komente

Në pjesën më të madhe të rasteve, zgjidhja nga këta gjigantë është përvetësimi i tyre

 

Kompani si Casper, e cila shet dyshekë, Warby Parker, një markë e mirënjohur syzesh, dhe Glossier, një firmë kozmetike, u konsideruan dikur thjesht si marka interesante, që nuk përbënin kurrfarë rreziku, shkruan The Economist.

Duke i tregtuar produktet e tyre online, duke tërhequr një numër të konsiderueshëm klientësh nëpërmjet reklamave dixhitale dhe duke shmangur shitësit dhe tregjet konvencionale, ato u shndërruan në anomali që tronditën segmente të vogla të shitjes me pakicë.

Në fakt, rritja e brandeve të vogla paraqet një zhvendosje të thellë në sektorin e mallrave të konsumit. Gjigantëve të industrisë iu desh pak kohë që të fillonin të shqetësoheshin vërtet për këto prurje të reja që po ndryshonin rrjedhën e lojës brenda kësaj industrie, sepse pengesat për të hyrë në biznesin e tyre janë të mëdha.

Sipas Nielsen, një firmë konsulence, 25 prej kompanive më të mëdha të ushqimeve dhe pijeve në Amerikë për shembull, gjeneronin 45% të shitjeve në këtë industri, por ato sollën vetëm 3% të rritjes totale në këtë industri midis periudhës 2011 dhe 2015. Një varg i gjatë prej më shumë se 20,000 kompanish nën 100-en e më të mirëve gjeneruan gjysmën e së gjithë rritjes.

Imagjinoni, 25 vjet më parë, hedhjen e një ideje për një pastë dhëmbësh më të mirë, sugjeron Randall Rothenberg, shefi i Agjencisë së Marketingut Interaktiv, një organizatë tregtare për reklamuesit dixhitalë, të cilët studiojnë brandet e vogla. Materialet e para do të ishin të disponueshme vetëm për kompanitë e njohura. Asnjë fabrikë nuk do të prodhonte pastë dhëmbësh për një kompani të re të vogël. Reklamat do të ishin të shtrenjta dhe për pasojë të mungesës së tyre edhe kërkesa do të ishte e vogël. Asnjë shitës i madh me pakicë nuk do t’i blinte ato.

Por situata nuk është më e njëjtë me atë të para 25 viteve më parë, falë ndryshimeve në zinxhirët e furnizimit dhe të të dhënave. Rritja e numrit të startup-eve të ushqimeve, nënkupton se besimi i fabrikave prodhuese ndaj tyre ishte rritur, por me kusht që nga një porosi e vogël në të ardhmen ajo të rritej, shprehet Blake Sorensen, themeluesja e Blake’s Seed Based. Ofruesit e tjerë të shërbimeve mund të kalojnë në ekonomitë e shkallës, të cilat dikur kanë qenë në dispozicion vetëm të gjigantëve të mallrave të konsumit.

Lumi, një firmë paketimi, përdor një rrjet të fabrikave për të dizenjuar dhe për të prodhuar paketime për brandet e vogla. Ai përfaqëson mijëra marka në mënyrë që të mund të marrë çmimet më të mira. Biznese si ShipBob, një startup në Çikago, veprojnë pothuajse në të njëjtën mënyrë me anijet, duke lejuar që markat e vogla të ofrojnë dërgesa më të shpejta dhe më të lira. Kompanitë e tregtisë elektronike, si Shopify, ofrojnë shërbime në internet për më pak se 29 dollarë në muaj. Assembled Brands është ajo që siguron financim në mënyrë specifike për brandet e vogla.

Ajo do të investojë në çdo lloj produkti të prodhuar të mallrave të konsumit për aq kohë sa kompania të ketë nisur tregtimin. Brandet e vogla mund të shesin produktet e tyre edhe nëpërmjet Amazonës. Kostot padyshim që janë të larta, por kjo u jep atyre akses në shërbimet e transportit të gjigantit online dhe në bazën e madhe të të dhënave të përdoruesve.

Përkundrazi, shumë prej firmave të mëdha nuk kanë pranuar që të shesin produktet e tyre në faqen e gjigantit të shitjeve online. Dhe vetëm vitet e fundit është rritur numri i këtyre gjigantëve që kanë pranuar të shesin produktet e tyre në këtë faqe online, thotë R.J. Hottovy i Morningstar, një firmë kërkimore, por ende ky grup përfaqëson vetëm një pjesë të vogël të shitjeve të saj. Shitja e drejtpërdrejtë te konsumatorët nënkupton njëkohësisht faktin se këto brande të reja dhe të vogla kanë në zotërim një numër të madh të dhënash të konsumatorëve.

Z. Sorensen e filloi biznesin në online, në janar 2018. Ai arriti të gjenerojnë 50,000 dollarë nga shitjet e produkteve të tij vetëm në bazë të të dhënave të mbledhura. M Gemi, një tjetër shitës online, por në këtë rast i këpucëve të shtrenjta, ofron dizajne të reja javë për javë, që t’u përgjigjet kërkesave të konsumatorëve. Nga ana tjetër, rivalët e tyre gjigantë, përdorin të dhëna të filtruara nga shitësit. Reklamimi online, në platforma si Facebook, u lejon markave të orientojnë konsumatorët me saktësi të madhe.

Pjesa më e madhe e rritjes në industrinë e reklamimit ka ardhur nga ajo e llojit dixhital, e cila kryesisht është përdorur nga reklamuesit e vegjël, shprehet Jonathan Barnard nga Zenith, një agjenci mediatike. Shumë kompani të mëdha, veçanërisht firmat e mallrave të konsumit, po i mbajnë shpenzimet në nivele të qëndrueshme. Gjigantët e mallrave të konsumit janë të vetëdijshëm për kërcënimin e paraqitur nga këto brande të reja të vogla. Një formë për të shmangur këtë kërcënim është blerja e tyre. Unilever bleu Dollar Shave Club, kundrejt vlerës prej 1 miliard dollarësh amerikanë në vitin 2016, duke blerë së bashku me kompaninë edhe pjesën e tregut që kjo startup kishte rrëmbyer vetë nga Gillette.

Dhjetë kompanitë më të mëdha të mallrave të konsumit kanë investuar kohët e fundit në startupe që i shesin produktet e tyre direkt te konsumatorët. Blerja e Blue Bottle, një brand kalifornian i kafesë nga Nestle, në vitin 2017, u bë vetëm për të blerë së bashku me të edhe segmentet e reja të tregut në të cilat ajo operonte. Por konkurrenca për të blerë brandet e reja të vogla më të suksesshme është e egër, kështu që gjigantëve të mëdhenj u duhet që të paguajnë shumë për blerjen e tyre, shprehet z. Hottovy.

Argumentimi i blerjes së brandit të vogël të deodoranteve, Native nga Procter & Gamble është bërë kryesisht për të marrë së bashku me të edhe të dhënat e konsumatorëve ku ajo shitet, thotë Marc Pritchard nga P&G. Firma të tjera të mëdha po përpiqen që të rrisin më shumë brandet e tyre. Në fillim të këtij viti, Kraft Heinz lançoi Springboard, për markat e vogla të pijeve dhe ushqimeve. Në një afat më të gjatë disa prej këtyre brandeve të reja të vogla do të gllabërohen nga gjigantët, ndërsa të tjera do të inkurajohen që të rriten, shpjegon Sonali De Rycker nga Accel, një firmë sipërmarrëse.

Do të ketë edhe nga ato startupe të cilat do të duan që të qëndrojnë të pavarura për një kohë të gjatë, ose edhe përgjithmonë. Për të lulëzuar sa më shpejt, këtyre startup-eve të reja do t’u duhet që të mësojnë nga gjigantët e brandeve të mirënjohura, përfundon z. Rothenberg.

 

 

Komente

avatar
  Subscribe  
Notify of