Sa vlen fitimi i Premier League?

17/05/2017 2:52 PM 0 komente
TEMA TE NGJASHME:
Chelsea ne feste

Sa vlen fitimi i Premier League? Në klubin e Chelsea me siguri kanë filluar të bëjnë llogaritë sa i përket mbi të gjitha të ardhurave nga të drejtat televizive.

Ndarja e të ardhurave nga shitja e të drejtave televizive në Premier League lidhet edhe me rezultatet e kampionatit. Por, pjesa më e madhe e tortës, ndahet në pjesë të barabarta: të drejtat kombëtare, si dhe tërësia e të drejtave ndërkombëtare dhe të ashtuquajturat të ardhurat kryesore të biznesit, ndahet 50% në mënyrë të barabartë.

Një 25% tjetër i shumës totale jepet në bazë të numrit të ndeshjeve që transmetohen direkt. Kjo është e ashtuquajtura “Facility Fee”, që është e lartë, nëse marrim në konsideratë se ndeshjet që transmetohen në televizion janë më pak se 50% e totalit të ndeshjeve që luhen.

Pjesa e mbetur prej 25% caktohet në bazë të renditjes së përgjithshme në fund të kampionatit. Ky zë, i quajtur “Merit Fee” është baras me 1,9 milionë sterlina për çdo vend në klasifikim.

Falë titullit të fituar këtë sezon është e sigurt që Chelsea do të arkëtojë 38 milionë sterlina (44 milionë euro). Është e sigurt gjithashtu që edhe Tottenham, i renditur në vend të dytë, do të sigurojë 36,1 milionë sterlina (42 milionë euro).

Skuadrat e tjera që kanë siguruar tashmë pozicionin në renditje janë Everton (në vend të shtatë, do të arkëtojë 26,6 milionë sterlina – rreth 31 milionë euro) dhe Hull City, në vend të 18 (5,7 milionë sterlina – rreth 6,5 milionë euro). Mbetet edhe një javë për t’u luajtur që do të përcaktojë renditjen përfundimtare të skuadrave.

 

Pozicioni “Merit Fee” Skuadra
1 £38m Chelsea*
2 £36.1m Tottenham*
3 £34.2m Liverpool
4 £32.3m Man City
5 £30.4m Arsenal
6 £28.5m Man United
7 £26.6m Everton*
8 £24.7m West Brom
9 £22.8m Southampton
10 £20.9m Bournemouth
11 £19m Leicester City
12 £17.1m West Ham
13 £15.2m Crystal Palace
14 £13.3m Stoke City
15 £11.4m Burnley
16 £9.5m Watford
17 £7.6m Swansea City
18 £5.7m Hull City*
19 £3.8m Middlesbrough
20 £1.9m Sunderland

*skuadrat që e kanë të sigurt pozicionin në klasifikim

 

Share on FacebookTweet about this on TwitterShare on Google+Share on LinkedInEmail this to someonePrint this page

Komente

Jeni i pari për të shkruar një koment!

Notify of

wpDiscuz