Po flasim për një qytezë të vogël spanjolle? Jo. Por gjithsesi lidhja ekziston:: Suv-i i ri është në fakt motra e madhe e Ibiza-s
Po të mos ishte për kolonën anësore C (me X-in në dukje), Arona do të të kujtonte edhe më shumë, nga forma dhe stili, modelin Ibiza. Nga ana tjetër, të dyja janë realizuar mbi platformën e mirënjohur Mqb A0 dhe i ndajnë 79 mm në gjatësi, 99 në lartësi dhe 121 mm distancë mes rrotave. Të gjitha në favor të Arona-s, e cila prek 4.14 metra dhe ku sediljet janë 50 milimetra më të larta. Motori 1.600 TDI 115 kf, në fillim u duk i dobët, me pak zhdërvjelltësi.
Më pas, u kuptua se duhej shfrytëzuar korsa e gjatë e pedalit dhe të shtyhej më tepër, gjë që ndihmoi të spikaste një motor i plotë, me formë, i aftë për përshpejtime të mira dhe me progresion të shkëlqyer. Falë edhe kombinimit me një kambio manuale të shpejtë, të pastër, me ndërrime të shpejta dhe ndarje të mirë raportesh. Megjithatë ajo që bëri më shumë përshtypje, ishte sjellja dinamike: harrojeni lëkundjen disi të fortë që të bën të ndihesh si në anije, të disa modeleve crossover me rrota të larta. Arona, garanton në mënyrë të shkëlqyer atë që dikur quhej kapje me asfaltin.
Mbase, për shkak edhe të disqeve 18 inç, kabina nuk filtron dhe aq mirë zhurmën e rrotullimit të gomave dhe as atë të motorit, gjithashtu të theksuar edhe në regjimet e ulëta. Pajimet teknologjike të asistencës në drejtim dhe ato të sigurisë së Suv-it të vogël, janë të plota: mes aksesorëve standarde dhe atyre opsionale, nuk mungon thuajse asgjë. Por mbi të gjitha, nuk duhet ta quajmë B-Suv. Mbase është emri i drejtë, por ai të kujton B-të e viteve 70-80 dhe në këtë rast kemi të bëjmë me komplet gjë tjetër.
1.6 TDI 115 CV XCELLENCE
Të dhëna teknike
Motori
• L4 turbodiesel
• Cilindrata 1.598 cm3
• Fuqia maksimale 85 kW (115 kf) në 3.200 xhiro/ min
• Momenti përdredhës maks. 250 Nm nga 1.500 në 3.200 xhiro/min
Transmisioni
• Traksion në rrotat e para
• Kambio manuale me 5 marshe
Performanca
• 0-100 km/h – e papërcaktuar
• Konsumi mesatar – i papërcaktuar
Përmasat dhe pesha
• Hapi 257 cm • Gjatësia 414 cm
• Gjerësia 178 cm • Lartësia 154 cm
• Pesha – e papërcaktuar
Çmimi
• I papërcaktuar
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.