Ministri i Zhvillimit Ekonomik, Blerand Stavileci ka pritur sot në takim Ambasadoren e Shteteve të Bashkuara të Amerikës në Prishtinë, Tracey Ann Jacobson, me të cilën ka biseduar për zhvillimet e fundit ekonomike në vend dhe prioritetet e institucionit që drejton.
Sipas një njoftimi të MZHE-së, kreu i saj ka theksuar se zhvillimi i sektorit të energjisë si bazë për zhvillimin ekonomik do të jetë prioritet i punës së tij, ndërsa ka shtuar se do të çojë përpara projektet që ndodhen në proces të realizimit.
Ministri Stavileci ka falënderuar ambasadoren Jacobson për mbështetjen që SHBA-të i kanë dhënë në vazhdimësi Kosovës, e veçanërisht në fushën e ekonomisë, i bindur se ky bashkëpunim do të avancohet edhe më tutje.
Nga ana e saj, Ambasadorja Jacobson ka uruar Ministrin Stavileci për detyrën e re dhe ka rikonfirmuar gatishmërinë e SHBA-ve për të ndihmuar zhvillimin ekonomik të vendit, ndërsa ka potencuar se pret që qeveria e re të adresojë çështjet ekonomike me prioritet, shkruan Kosova Press.
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.