91% e punonjësve mendon se drejtuesit nuk shqetësohen për kulturën e punës

12/03/2019 3:52 PM 0 komente
TEMA TE NGJASHME:

Të gjithë e dinë se ka disa rregulla të pashkruara që çojnë drejt një kulture pune toksike. Por çfarë ndodh kur drejtuesit nuk kujdesen për kulturën e punës në vetvete?

Një studim i ri i publikuar sot (më 12 mars) nga kompania Achievers tregon se bëhet fjalë për një numër çuditërisht të madh kompanish. Në fakt, 91% e punonjësve nuk i shihnin drejtuesit të angazhuar sa duhet që të përmirësonin kulturën e punës. 38% deklaroi se nuk i kishin dëgjuar “kurrë drejtuesit të flisnin për kulturë pune”, megjithatë nuk ka asnjë provë për ta mbështetur këtë.

Edhe pse një përqindje e vogël e punonjësve beson vërtet se drejtuesit janë të kënaqur me kulturën, ka ardhur momenti për të bërë provën e së vërtetës. Kultura nuk është diçka që bëhet pasi keni hartuar një strategji, ajo është vetë strategjia.

Si të përballeni me këto perceptime? Problemi është që ju nuk mund t’ia nisni duke thënë se ju kujdeseni për kulturën e punës. Ju duhet të filloni ta tregoni, dhe jo ta thoni, se shqetësoheni për kulturën dhe përvojën e punonjësve. Dhe kjo duke treguar së pari vlerat e sjelljet e dëshiruara, mjaft të rëndësishme.
Një studim i Gallup thotë se mënyra më e mirë për të ecur në këtë drejtim është që të angazhoheni menjëherë në tre sjellje të veçanta. Këto janë veprime të përditshme të fuqishme, të cilat do të tregojnë se ju shqetësoheni për përvojën e punonjësve tuaj çdo ditë kur vijnë në punë.

Ju këshillojmë që ta nisni me tre taktika për të ndërtuar një mjedis unik kulture pune.

1.Tregoni respekt

A njihni ndonjë punonjës që nuk e dëshiron respektin? Gjithnjë kam menduar se të dy ecin me të njëjtin hap, kur ju tregoni respekt për tjetrin, ju njihni vlerën e tyre si qenie njerëzore. Jane Dutton, profesor i administratës së biznesit e psikologjisë së Universitetit të Miçiganit, thotë se 90% e punonjësve besojnë se mungesa e përditshme e qytetarisë në vendin e punës është bërë një çështje serioze.

Si të tregoni respekt? Me sjellje të vogla të përditshme si për shembull duke njohur hapur vlerën dhe opinionet e tyre, dhe duke kërkuar informacione mbi mirëqenien e çdo punonjësi dhe duke i dëgjuar ata – duke i dëgjuar me kujdes.

2.Jini të përgjegjshëm

Punonjësit e mirë do të japin dorëheqjen, edhe në rastin kur mendonit se ata ishin të lumtur, jo vetëm për faktin se atyre nuk u njihen meritat, por për shkak se dikush tjetër pa të drejtë i ka marrë këto. Kur ngrihen në detyrë njerëz që nuk e meritojnë, kjo tregon mungesë të qartë të standardeve të performancës të cilat aplikohen te të gjithë në mënyrë të barabartë.

Por në të njëjtën mënyrë, kur drejtuesit lënë “që vezët e prishura” të mbajnë erë pa ndëshkuar askënd, kjo shkatërron kulturën e punës. Ndërkohë që liderët përpiqen të rrisin më mënyrë të shpejtë pozitivitetin e kulturës së punës nëpërmjet më shumë përgjegjshmërie, është e rëndësishme të shpjegohet se pse ndryshimi i papritur i saj mund të përkeqësojë problemin e kulturës së kompanisë. Sjelljet që përqafojnë një ndjesi përgjegjësie duhet të mbështeten së pari dhe mbi të gjitha nga një lider që pranon gabimet e veta dhe është i angazhuar dhe i përfshirë në organizatë në mënyra të dobishme.

3.Mjaft i mbajtët gjërat për vete nëse dëshironi që t’i investoni ato

Jeff Weiner, CEO i LinkedIn, thotë se komunikimi është aftësia kryesore që mungon sot tek punonjësit. Duhet theksuar se punonjësit i mësojnë zakonet e tyre nga drejtuesit.

Por mendimi i “komunikimit” është kaq i përhapur ndaj le të përpiqemi të kuptojnë se çfarë gjëje në lidhje me komunikimin ndikon shumë dhe shpejt, në mënyrë të veçantë, te kultura e punës. Kjo do të thotë të kesh drejtues që shqetësohen mjaftueshëm (ose jo) të investojnë kohën që duhet për ta bërë atë siç duhet. Ju duhet të komunikoni jo vetëm atë që po ndodh, por edhe pse po ndodh, duke dhënë shpresë përgjatë rrugës. Ndryshimi i kulturës së punës nuk ndodh në një ditë, por kjo nuk do të thotë që nuk mund t’ia arrini qëllimit në një kohë të shkurtër.

 

*Scott Mautz, folës i shquar dhe autor i ‘Find the Fire’ and ‘Make It Matter’
Burimi: INC

 

 

Komente

avatar
  Subscribe  
Notify of