Ndërmarrjeve të vogla dhe të mesme iu duhet të marrin disa vendime të vështira.
Së bashku me këto zgjedhje vjen edhe potenciali për shpërblime të konsiderueshme.
Gjatë kësaj krize ekonomike, njerëzit mund të priren për të reduktuar apo edhe për të eliminuar investimet e reklamave, sepse ata besojnë se ka rënie të kërkesës për produktet ose shërbimet e tyre.
Në vend të kësaj, historia tregon se shpenzimet në një ekonomi në rënie mund të çojnë drejt rritjeve reale të shitjeve, rritje në aksionet e tregut dhe fitime kuptimplota të vlerës së tregut. Vini re se çfarë po bëjnë reklamuesit e mëdhenj: Procter & Gamble, Kellogg dhe Kraft Foods kanë rritur shpenzimet e reklamave.
Zbulimet e një studimi të kohëve të fundit botuar nga Shoqata Amerikane e Agjencive të Reklamave demonstrojnë se reklamat, në përgjithësi, kontribuojnë në performancën financiare për deri në tre vjet në të ardhmen. Përveç kësaj, rritja e reklamimit gjatë një depresioni apo recesioni ekonomik ka përfitime më të mëdha se rritja e shpenzimeve gjatë një periudhe të zgjerimit ekonomik.
Këto përfitime burojnë si nga rritja e peshës publicitare dhe stimulimi i mendjes për markën në mesin e konsumatorëve, ashtu dhe nga përmirësimi i perceptimeve nga aksionerët tuaj.
Sipas studimit, “prania në treg gjatë kohëve të vështira ka të ngjarë të veprojë si një fanar i forcës për klientët dhe punonjësit si dhe për aksionerët dhe investitorët”.
Reklama përfaqëson një pasuri të fortë që mund të prodhojë të ardhura të ardhshme dhe teksa këto fitime bëhen realitet, investitorët shpërblejnë firmat oportune me vlerën e rritur të tregut. Kompanitë e detyruara të kërkojnë ndihmë gjatë një recesioni dërgojnë një mesazh te konsumatorët, punonjësit dhe palët e interesuara dhe u hapin derën konkurrentëve t’i “gjuajnë” ato dobësi.
Rritja e pranisë në fushën e reklamave shërben si një kujtesë e rëndësishme edhe për klientët potencialë.
Ne të gjithë e dimë se hapi i parë drejt aktivizimit të një blerje është orientimi drejt vetëdijes dhe vetëdija rritet dhe bie vazhdimisht me vëllimet e reklamave. Të drejtosh dhe të ruash atë vetëdije është në qendër të performancës së markës dhe vitalitetit të kompanisë suaj.
Për shkak se tendenca e natyrshme e bizneseve është që të reduktojnë shpenzimet e reklamave gjatë një rënie ekonomike, nuk mund të ketë kohë më të mirë se kjo për të reklamuar. Kompanitë e mençura, në kërkim të rritjes, mund të përfitojnë nga vakuumi i komunikimit që kanë krijuar shumë nga kompanitë e paguximshme.
Kjo është edhe një kohë e shkëlqyer për të shpalosur mesazhin tuaj dhe të komunikoni ‘propozimet e vlerës’ (deklaratë mbi mënyrën se si biznesi sugjeron të përdorë burimet për t’u ofruar vlerë më të madhe klientëve) për konsumatorët. Nëse ju keni një propozim vlere për të cilin ia vlen të flasësh, konsumatorët në ekonominë e ditëve të sotme ofrojnë më shumë predispozitë për të dëgjuar mesazhin dhe për të reaguar pas tij.
Sikundër vuri në dukje kohët e fundit profesori i Harvard Business School, John A. Quelch, “është faktuar se markat që rrisin reklamimin gjatë një recesioni, ndërsa konkurrentët janë duke u tërhequr, mund të përmirësojnë aksionet e tregut dhe t’u kthehen investimeve me kosto më të ulët se gjatë periudhave të mira ekonomike”.