Turizëm, Shqipëria në 2017-n në 15 panaire; Ai i Shtutgartit i kushtoi qeverisë 17 mln lekë

18/01/2017 11:00 AM 0 komente
TEMA TE NGJASHME:

Gjatë këtij viti, Shqipëria do të marrë pjesë në 15 panaire ndërkombëtare turistike, një më pak se në vitin 2016. Gjeografia, përveç atyre tradicionale e më të mëdhenj, si ai i Milanos, Berlinit, do të përfshijë pjesëmarrje në panaire që mbahen në Izrael, Japoni, Poloni, Spanjë e Ukrainë.

Për Shqipërinë, këto janë destinacionet nga po vijnë edhe turistët e huaj dhe që mendohet se kanë më shumë potencial për të tërhequr të tjerë.

Së fundmi, vendi ynë është duke u prezantuar (deri në datë 22 janar) në Shtutgart të Gjermanisë, një panair që i drejtohet më shumë konsumatorëve dhe jo bizneseve, duke qenë se në të gjen për të gjitha shijet si: reklamime nga industria e peshkimit, rulotëve, e golit etj. Pjesëmarrja për herë të parë si partnerë në këtë panair i ka kushtuar buxhetit të shtetit rreth 17 milionë lekë. Në të marrin pjesë 2,052 subjekte nga 93 shtete.

Sipas të dhënave nga Ministria e Zhvillimit Ekonomik, Turizmit, Tregtisë dhe Sipërmarrjes, gjatë vitit të kaluar, mes 25 projekteve, një pjesë e tyre ishin për turizmin, ku më kryesoret:

63 mln lekë – projekti për zbatimin e Brandit Shqiptar “Go Your own Way”, 63 mln lekë

17 mln lekë – Panairi Ndërkombëtar CMT Shtutgart 2017

45 mln lekë – Promovimi i Strategjive për Nxitjen e Turizmit

10 mln lekë – Modeli i promovimit të integruar të Turizmit Shqiptar

39 mln lekë – Fondi për mbështetjen e Turizmit, 39 mln lekë

15 mln lekë – Ngritja e Pikave “InfoPoint”, 15 mln lekë

20 mln lekë – Sinjalistika e Vijës Bregdetare, 20 mln lekë

29 mln lekë – Krijimi i Infrastrukturës turistike midis zonave bregdetare/malore

10 mln lekë – Plani i menaxhimit për itineraret turistike Via Egnatia

10 mln lekë – Projekti studimor MICE (produkte turistike)

Lista e panaireve

PANAIRI                        DATA               VENDI

CMT                           14-22 Janar         Shtutgart, Gjermani

FITUR                       18-22 Janar         Madrid, Spanjë

Panairi i Tiranës      02-04 Shkurt      Tiranë, Shqipëri

IMTM                        07-08 Shkurt       Izrael

ITTFA                       23-26 Shkurt        Beograd, Serbi

ITB                             08-12 Mars          Berlin, Gjermani

UITT                          29-31 Mars           Kiev, Ukrainë

BIT                              02-04 Prill          Milano, Itali

Travel Fair                 21-22 Prill           Prishtinë, Kosovë

IFTM TOP RESA              Shtator        Paris, Francë

JATA Tourism Expo        Shtator          Tokio, Japoni

TUR                            26-27 Shtator       Stokholm, Suedi

Travel Expo                     17 Tetor            Lucernë, Zvicër

WTM                                   Nëntor           Londër, Angli

TT                                        Nëntor            Varshavë, Poloni

Share on FacebookTweet about this on TwitterShare on Google+Share on LinkedInEmail this to someonePrint this page

Komente

Jeni i pari për të shkruar një koment!

Notify of
avatar
wpDiscuz