Që prej 1 Prillit mbi biznesin e vogël rëndon tatimi mbi vlerën e shtuar në masën 20 për qind. Të prekurit nga kjo taksë jo vetëm e kanë kundështuar atë, por deklarojnë se ajo do t’i çojë drejt falimentit.
Në Fier, pas kamerave shumë tregtare e cilësojnë të papërballueshme taksën, por shumë pak prej tyre pranojnë të flasin publikisht duke iu trembur, siç thonë hakmarrjes nga zyrtarët e tatimeve
Sipas tregtarëve janë më shumë se 250 biznese që rrezikojnë të mbyllen në Fier. Edhe pse efektet do të fillojnë të ndihen muajin e ardhshëm, paniku është i madh dhe shumë pronarë biznesesh i tremben falimentimit.
Në Bulqizë shumë pronarë biznesesh që preken nga TVSH-ja thonë se do të shtrenjtojnë çmimet.
Lajmet se bizneset me xhiro vjetore mbi 2 milionë lekë do të paguajne 20 për qind të TVSH-së ka frikësuar edhe konsumatorët.
Top Channel
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.