Aktualisht një ton çimento po shitet me 8,500 lekë nga 9,500 lekë që ishte një muaj më parë. Rënie me 15 euro ka shënuar edhe çmimi i shitjes së çimentos për eksport.
Kjo ka bërë që të rritet kërkesa për çimento nga ana e subjekteve ndërtuese. Kompanitë, prodhuese të çimentos, mësohet ta kenë marrë këtë masë si një përgjigje për humbjet e shkaktuara nga tarifa 35% në import që vendosi Kosova dhe që nga data e sotme 1 Gusht nuk zbatohet më.
Heqja nga Kosova e tarifës për import erdhi si pasojë e presioneve të shumta nga bizneset, por edhe politika. Ministrja e Tregtisë dhe Industrisë Mimoza Kusari-Lila ishte shprehur se kjo do të ishte një masë e përkohshme, si përgjigje për mbrojtjen e tregut vendas dhe konkurrencën e lirë.
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.