UNWTO: Turizmi në Shqipëri, rritje dyshifrore

19/05/2017 2:58 PM 0 komente
TEMA TE NGJASHME:

Gjatë vitit 2016, turizmi në Shqipëri njohu rritje me dy shifra. Është Organizata Botërore e Turizmit (UNWTO) e cila publikoi raportin e zhvillimeve afatshkurtra të turizmit në Bashkimin Europian. Ky është publikimi i parë sa u përket net-qëndrimeve të turistëve për vitin 2016.

Sipas raportit, destinacionet jashtë BE-së në Europën Jugore Mesdhetare në total shënuan rënie me 19% të numrit të turistëve dhe ndikimin më të fortë e dha Turqia e cila rezultoi me rënie në masën 29%. Kërkesa ndjeshëm më e ulët nga ana e rusëve për destinacionet turke gjithashtu solli ndikim.

“Në kontrast, të gjitha destinacionet e tjera të këtij rajoni ku përfshihen Shqipëria, Bosnjë – Hercegovina, San Marino dhe Serbia njohën rritje dyshifrore në vitin 2016 në krahasim me një vit më parë”, thuhet në këtë raport.

Sipas të dhënave, numri i turistëve në Bashkimin Europian shënoi rritje të qëndrueshme me 21 milionë, mbi 4%. Shifër kjo mbi mesataren botërore.

Totali i turistëve që vizituan destinacionet e EU-28 arritën në 500 milionë, duke zënë 40% të totalit botëror.

2016-a ishte i shtati vit që shënon rritje të qëndrueshme pas krizës ekonomike dhe financiare të 2009-s me 107 milionë turistë më shumë sesa periudha parakizës (2008). Duhet bërë kujdes, thuhet në raport, pasi këto shifra mund të ndryshojnë me rishikim e plotë.

Megjithatë të dhënat tregojnë se Europa, përfshi këtu edhe vendet jashtë saj, kanë pasur nivele të ndryshme rritjeje të numrit të turistëve. Çka tregon se pavarësisht sfidave, ky sektor ka rëndësi të mëdha në rritjen ekonomike, në krijimin e vendeve të punës, si dhe më mirëqenien sociale.

Turizmi europian në shifra, viti 2016

499 milionë numri i turistëve ndërkombëtarë

40% e turizmit botëror

21 milionë turistë më shumë

 

nr turisteve nderkombwtare ne shqiperi

nr turisteve per qindje

Burimi:UNWTO

Shënim: Shifra e vitit 2016 mund të ndryshojë

 

 

Share on FacebookTweet about this on TwitterShare on Google+Share on LinkedInEmail this to someonePrint this page

Komente

Jeni i pari për të shkruar një koment!

Notify of
avatar
wpDiscuz