WhatsApp shënon rekord të ri, 75 mld mesazhe të shkëmbyera në mbrëmjen e fundvitit.

05/01/2018 11:40 AM 0 komente

Orët që i kanë paraprirë mesnatës së 1 janarit 2018 janë përjetuar disi me ankth të veçantë nga përdoruesit. Kjo pasi serveri i WhatsApp, aplikacioni i mesazheve të menjëhershme, nuk ka funksionuar për një orë, nga ora 20:00 – 21:00. Megjithatë, problemi nuk i ka penguar përdoruesit ta përdorin aplikacionin e mesazheve gjatë mbrëmjes së Vitit të Ri.

Nga WhatsApp bëjnë të ditur se janë shkëmbyer më shumë se 75 miliardë mesazhe urimesh. Ky është një rekord i ri për aplikacionin e mesazheve të menjëhershme. Rekordi i mëparshëm është regjistruar po ashtu në mbrëmjen e fundvitit (në vitin 2017, janë shkëmbyer 63 miliardë mesazhe).

Ndër 75 miliardë mesazhet e dërguara nga përdoruesit në natën midis 31 dhjetorit dhe 1 janarit, janë edhe shumë imazhe dhe video. Sipas të dhënave nga stafi i WhatsApp, janë dërguar 13 miliardë imazhe, dhe 5 miliardë video urimesh. Këto janë shifra të jashtëzakonshme, që tregojnë se WhatsApp vijon të jetë aplikacioni i mesazheve më i përdorur nga përdoruesit dhe funksionet e reja që zhvillohen nga programuesit nuk bëjnë gjë tjetër veçse përmirësojnë shërbimin.

2018 parashikohet të jetë një vit shumë i rëndësishëm për aplikacionin: në ditët e para të janarit do të bëhet një përditësim i ri i versionit beta të Android, që do t’ju japë mundësinë të regjistroni shënime të shkurtra video. Nëse funksioni do të vlerësohet nga përdoruesit (dhe gjasat janë që ai të jetë mjaft i pëlqyeshëm), do të debutojë edhe në versionin zyrtar të aplikacionit.

 

 

Share on FacebookTweet about this on TwitterShare on Google+Share on LinkedInEmail this to someonePrint this page

Komente

Jeni i pari për të shkruar një koment!

Notify of
avatar
wpDiscuz