108 raste të reja; Shkon në 150 numri i viktimave nga Covid-19

29/07/2020 4:09 PM 0 komente

Tirana vijon të jetë vatra kryesore e të prekurve me koronavirus. Në 24 orët e fundit gjysma e rasteve të reja i përkasin kryeqytetit. Nga 502 testime të kryera janë konfirmuar 108 raste.

“Shpërndarja gjeografike e rasteve është si vijon: 52 raste në Tiranë, 12 në Krujë, 7 në Kukës, 6 në Fier, 5 në Mirditë, 4 në Tropojë, nga 3 raste në Vlorë, Kamëz, Përmet, nga 2 raste në Elbasan, Tepelenë, Memaliaj, nga 1 rast në Kurbin, Korçë, Lezhë, Has, Berat, Pogradec, Prrenjas”.

Numri i personave që kanë humbur jetën nga virusi shkon në 150 që nga fillimi i epidemisë.

“Nuk e kanë fituar dot betejën me sëmundjen në spitalin Covid1, një 68 vjeçare nga Shijaku me disa sëmundje bashkëshoqëruese. Ka humbur jetën në spitalin Covid2 “Shefqet Ndroqi, një 60 vjeçare nga Tirana, pa sëmundje të tjera”.

Në të dy spitalet COVID, atë Infektiv dhe spitalin “Shefqet Ndroqi” po trajtohen 125 pacientë, 17 janë në terapi intensive dhe 7 pacientë janë të intubuar.

Gjatë 24 orëve të fundit janë shëruar 41 qytetarë, duke e çuar numrin e të shëruarve në 2830, që nga fillimi i epidemisë.

Për statistikat më të fundit, klikoni këtu: Coronavirus në Shqipëri

Komente

avatar
  Subscribe  
Notify of