3 fjalë kyçe për të qenë të lumtur në punë

04/12/2019 9:01 AM 0 komente

Lumturia në punë, siç e dimë, përbëhet nga shumë elemente, të cilat kur bëhen bashkë, nga një anë ndërtojnë mirëqenien e njerëzve që punojnë në një kompani ndërsa në anën tjetër, favorizojnë, drejtpërdrejt ose indirekt, performancën e asaj kompanie.

Ju mund të punoni më mirë, duke i kushtuar më shumë vëmendje njerëzve dhe kjo favorizon edhe rezultate në kompani. Për shembull, një eksperiment i kryer nga Microsoft në Japoni, ku në muajin gusht, java e punës u shkurtua në katër ditë, përmirësoi jo vetëm mirëqenien e punonjësve, por rriti në mënyrë të ndjeshme edhe produktivitetin, më shumë se 39,9% krahasuar me të njëjtin muaj të vitit të kaluar.

Në librin “Lessico della felicità” (me bashkautorë Roberto D’Incau dhe Laura D’Onofrio) analizohen 33 fjalë kyçe që ndikojnë në lumturinë profesionale dhe personale dhe bëhet një lexim, si pozitiv edhe negativ, i ndikimit të tyre.
Më poshtë janë disa shembujsh fjalësh të rëndësishme që ndikojnë në lumturinë tonë profesionale…

Pritshmëria – Ekzistojnë pritshmëri pozitive dhe negative. Në libër theksohet, ndër të tjera, një pikë rëndësishme, – fakti se është e përshtatshme të nxjerrësh në pah burimet që mund t’ju çojnë drejt suksesit.
Për shembull, nëse dikush ka pritshmëri që të bëjë karrierë, duke menduar vetëm që të bëjë shumë mirë punën e tij, por nuk pëlqen që ‘ta shesë vetën’, siç dëgjojmë shpesh të thuhet, nuk pëlqen të krijojë kontakte në rrjetet sociale, është e lehtë të parashikosh që do të mbetet në vendnumëro. Pse? Sepse ka një çeikulibër mes burimeve të vëna në pah dhe pritshmërive: nuk mjafton të bësh mirë punën tënde. Duhet të dish se çfarë duhet të bësh që të ngjisësh shkallët në karrierë. Dhe zbatojeni atë.

Stresi – Shpesh nga fjala shohim vetëm kontekstin negativ. Në të vërtetë është e nevojshme të bëjmë dallimin midis “distress”, anës negative, dhe “eustress”, kuptimit pozitiv. Eustres, për shembull, vjen nga një zhvendosje, por edhe nga një lëvizje profesionale që na përket më shumë – një ndryshim, i lodhshëm, vetëm në fillim, por jep efekte pozitiv, ripërtëritje energjish. Eustress-et janë shumë të dobishme. Menaxhimi i stresit është shumë i rëndësishëm. Stresi negativ shteron energjitë, krijon një lodhje mendore por edhe fizike. Pyetjet që duhet t’i bëjmë vetes janë: Çfarë na streson? Prej sa kohësh? Vërtet mund të mos bëj dot gjë? Si mund ta lehtësoj tensionin? Dhe prej këtu mund të fillojë një proces që ndërpret spiralen negative në të cilën jemi zhytur.

Komunikimi – Në vendin e punës, shumë probleme lindin nga komunikimi i keq ose nga moskomunikimi: me shefin, me bashkëpunëtorët, me kolegët. Shpesh harrohet që një kompani përbëhet nga njerëz. Për të flitet si një entitet abstrakt, por në fakt nuk është kështu. Të dish të komunikosh është thelbësore.

Mantra e sipërmarrësit të modës së vjetër ishte “Bëj, veproj, punoj”, por në të vërtetë nuk mjafton vetëm të bësh, duhet të dish edhe të komunikosh. Një ndër faktorët kryesorë të pakënaqësisë në punë lind nga komunikimi i keq me drejtuesit. Atëherë duhet të bëjmë pyetjen: a ka një komunikim vërtet efikas?

Një komunikim i vërtetë verbal apo joverbal? Kjo është shumë e rëndësishme – ndonjëherë rëndësia e ndërveprimit joverbal, nënvlerësohet, d.m.th. gjërat thuhen, por ndërkohë, trupi, fytyra, thonë tjetër gjë. Këto fjalë për të cilat flitet në librin “Lessico della felicità” janë tema në të cilat duhet të reflektojmë për të përmirësuar nivelin tonë të lumturisë, në punë por edhe jashtë saj…

*Roberto D’Incau, Founder&CEO Lang&Partners Younique Human Solutions
Burimi: Forbes Italia

Komente

avatar
  Subscribe  
Notify of