40 qytetet më të mira në botë për balancën jetë profesionale – jetë personale

09/08/2019 1:14 PM 0 komente
TEMA TE NGJASHME:

Helsinki është qyteti më i mirë në botë për ekuilibrin jetë profesionale – jetë personale.

Ky është përfundimi i studimit të ri të Kisi, që krahason të dhënat e një sërë faktorëve si “cilësia e jetës”, intensiteti i punës, mbështetja nga institucionet, barazia dhe legjislacioni për të hartuar këtë klasifikim.

Helsinki, Mynihu dhe Olso janë tre qytetet me ekuilibrin më të mirë mes jetës profesionale dhe jetës personale. Qytetet me ekuilibrin më të keq jetë profesionale – jetë personale janë Tokio, Singapori dhe Uashington DC.
Duke përdorur të dhënat që lidhen me intensitetin e punës, mirëqenies sociale dhe cilësisë së jetës, indeksi pretendon të vlerësojë se sa të suksesshëm janë rezidentët në arritjen e këtij ekuilibri në 40 qytete të botës.

Rezultati i përgjithshëm punë – jetë personale për çdo qytet është vlerësuar duke u mbështetur në një sërë faktorësh që lidhen me sasinë e kohës që një person i kushton punës, si numrin e orëve totale, ditët e pushimeve dhe ditët e lejes pas lindjes.

Në fund, mirëqenia e punonjësve në çdo qytet është matur nëpërmjet lumturisë dhe lirisë së përgjithshme, duke u dhënë mundësinë kërkuesve të kuptojnë nëse rezidentët mund t’i gëzohen mjedisit rreth e qark pas orarit të punës.

“Pavarësisht se jetojmë në një epokë ku është bërë progres i paprecedentë në teknologji dhe në ndërlidhje, nuk kemi mundur të zgjidhim aspektin e përmirësimit të jetës sonë të përditshme, gjetjen e ekuilibrit mes punës dhe kohës së lirë, – tha CEO i Kisi, Bernhard Mehl. – Shpresojmë që ky studim të nxisë nevojën për më shumë hulumtime për të përmirësuar mirëqenien e qytetarëve, në mënyrë që të luftojë kostot psikologjike dhe ekonomike të stresit në vendin e punës”.

 

 

Disa nga gjetjet kryesore të studimit:

-Qytetarët në Oslo punojnë më pak orë në javë, 38,9 orë, ndjekur nga Sidnej dhe Melburni.

-Punonjësit në Barcelonë marrin më shumë ditë pushimesh, 30,5, ndjekur nga Parisi dhe Mynihu.

-Koha që shpenzojnë punonjësit në Cleveland për të shkuar në punë është më e shkurtra, 22,2 minuta, ndjekur nga Las
Vegasi dhe Portland.

-Qytetet australiane kanë rezultatin më të lartë për kujdesin shëndetësor, ndjekur nga Japonia dhe Italia.

-Oslo është qyteti më i mirë për kujdesin ndaj shëndetit mendor, 68,9, ndjekur nga Zyrihu dhe Parisi.

-Helsinki është qyteti me rezultatin më të lartë në lidhje me lumturinë, 100, ndjekur nga Oslo dhe Zyrihu.

-Mynihy është qyteti me nivelin më të ulët të stresit, 15,8, ndjekur nga Sidnej dhe Hamburgu.

-Singapori ka rezultatin më të lartë për hapësirat në natyrë, 100, ndjekur nga Zyrihu dhe Hong Kongu.

-Seattle është qyteti me nivelin më të ulët të ndotjes atmosferike, 8 µg/m3, ndjekur nga Portland dhe Stokholmi.

-Zyrihu është qyteti me rezultatin më të lartë për mirëqenien dhe fitness-in, me 100 pikë, ndjekur nga Tokio dhe Otava.

-Londra ka rezultatin më të lartë për kohën e lirë, me 100, ndjekur nga Tokio dhe Nju Jorku.

Klasifikimi i plote 40 qytetet më të mira në botë për balancën jetë profesionale – jetë personale https://www.getkisi.com/work-life-balance#table 

 

*Mark Eltringham
Burimi: Workplaceinsight

 

 

 

Komente

avatar
  Subscribe  
Notify of