Ahmetaj: Synohet ulja e borxhit me 2.8 % në 2018; prioritet investimet publike

10/11/2017 10:44 AM 1 koment

Komisioni i Ekonomisë vijon diskutimet mbi projektbuxhetin 2018, në fokus të seancës së sotme është deficiti buxhetor. 

Ministri i Financave dhe Ekonomisë, Arben Ahmetaj, i pranishëm në seancë, prezantoi parashikimin e treguesve kryesore për vitin që do të vijë. Sipas ministrit Ahmetaj do të synohet ulja e borxhit deri në 2021 me 60%.

“Objektivi i qeverisë është të ulet borxhi me 2.8 për qind vitin e ardhshëm”- tha ministri.

“ Prej tre vitesh qeveria ka deklaruar se balanca primare tregon se qeveria nuk ka akumuluar borxh të ri publik. Balanca korente 3.3 për qind pozitive. “- ka bërë me dije Ahmetaj.

Prioritet i kësaj qeveria janë investimet publike, thotë më tej kreu i financave shqiptare.

“ Kemi reduktuar borxhin publik por njëkohësisht kemi parashikuar se niveli i investimeve publike do të jetë në nivelin 5 për qind të PBB-së, duke respektuar dhe rregullin e artë fiskal të raportit Investimeve Publike me huamarrjen. Huamarrja e brendshme do të vijojë të jetë burimi kryesor i financimit.”- deklaroi Ahmetaj.

Tre rreziqet që prezantoi ministri ishin rreziku nga financimi, normat e interesit dhe nga kursi i këmbimit. Për tu mbrojtur nga rreziku i fundit Ministri tha se do të menaxhohet duke mbajtur borxhin në valutë në nivele optimale, jo më shumë se 55% e totalit të borxhit. 

1
Komente

avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
gerti Recent comment authors
  Subscribe  
newest oldest most voted
Notify of
gerti
Guest
gerti

Suksese te metejshem z.Ahemtaj keni bere plote pune te mira deri tani per uljen e borxhit publik, rigjallerimin e ekonomise dhe vendosjen e rregullave qe gjenerojne me shume te ardhura ne buxhetin e shtetit, besoj se disiplina dhe rregullat ne fuqi do japin ndikim dhe impakt te madh ne aspektin ekonomik dhe financiar te vendit.