Antiinformaliteti, Tatimet informojnë industrinë e grumbullimit të mishit dhe qumështit

26/10/2017 2:58 PM 0 komente
TEMA TE NGJASHME:

Drejtoria e Përgjithshme e Tatimeve organizoi sot një takim me përfaqësues të bizneseve që ushtrojnë veprimtari në sektorin e grumbullimit dhe përpunimit të mishit dhe qumështit.

Takimi kishte në fokus informimin e përfaqësuesve të kësaj industrie mbi zbatimin e aksionit antiinformalitet, marrjen e mendimeve dhe sugjerimeve nga kjo industri lidhur me këtë aksion, si dhe evidentimin e sfidave dhe problematikave të përbashkëta me qëllim përmirësimin e bashkëpunimit me biznesin.

Formalizimi i sektorit, kontrollet në bazë të riskut, lehtësimi i procedurave tatimore për këtë sektor, ishin disa nga pikat e tjera që u trajtuan gjerësisht në takim.

Drejtoria e Përgjithshme e Tatimeve do të marrë në konsideratë propozimet e kësaj industrie dhe shpreh gatishmërinë për të adresuar në mënyrën e duhur të gjitha shqetësimet e biznesit lidhur me performancën e Administratës Tatimore.

Komente

avatar
  Subscribe  
Notify of