BERZH: Rritja ekonomike 5% 

Rritja ekonomike e Shqiperise vitin e ardhshem do te jete 5%. Ky eshte perfundimi i nxjerre nga Banka Europiane per Rindertim dhe Zhvillim (BERZH). Shkak per ngadalesimin e rritjes ekonomike te vendit eshte kriza financiare nderkombetare qe ka prekur shume vende te globit. Ne raportin me te fundit mbi tranzicionin, BERZH-i analizon ecurine ekonomike dhe progresin e reformave ne vendet ku ajo vepron. Rritja ne Shqiperi pritet te arrije 6.1% ne vitin 2008 nga 6% ne vitin 2007 dhe te bjere ne 5% ne vitin 2009. Peter Sanfey, ekonomist i BERZH-it qe mbulon Europen Juglindore, u shpreh se "Shqiperia po vazhdon te kete nje progres te mire ne disa fusha, por nevojiten edhe me shume perpjekje per te permiresuar mjedisin e biznesit dhe rritur cilesine e infrastruktures per te ruajtur ne te ardhmen rritjen me ritme te larta te viteve te fundit". Raporti i Tranzicionit thote se ekziston nje rrezik, qe rritja ekonomike ne rajon ne vitin e ardhshem te jete edhe me e ulet, nese financimet e jashtme zvogelohen papritur. "Disa vende ne veçanti vazhdojne te kene llogari korrente me deficite te medha te kombinuara me borxhe te larta ne monedhe te huaj dhe per kete arsye jane te prirura te vuajne nga ulje me te forta te prodhimit te brendshem, nese hyrjet e kapitalit zvogelohen shpejt", citohet ne raport.

Fullani
Kriza ka dhene efektet e para 

Edhe pse e pakonturuar mire, kriza financiare nderkombetare ka nisur te jape efektet e saj te para ne vend. Perballe nje situate te tille, qeveria duhet te marre masat e duhura per te rritur prodhimin vendas. Nje deklarate e tille eshte dhene nga vete kreu i Bankes se Shqiperise Ardian Fullani, gjate forumit te pare ekonomik organizuar nga Dhoma e Tregtise. Por nga ana tjeter, ai ka garantuar edhe nje here se sistemi bankar ne vend eshte i shendetshem dhe se efekti domino i krizes nderkombetare eshte perballuar ne menyre te kenaqshme. "Kriza edhe pse ende e pakonturuar na i ka dhene leksionet e para dhe bizneset duhet t’i vleresojne keto mesime per te ardhmen, sot ka ardhur koha qe Shqiperia te prodhoje me shume te mira se me pare, bujqesia ka ende hendek, ka me shume nevoje per orientim dhe rregullim", ka deklaruar ai. Madje, sipas tij, muajt e fundit te vitit dhe muajt e pare te vitit te ardhshem do te jene nje periudhe e veshtire. Tejkalimi i krizes boterore do te kerkoje kohen e vet. "Perparesi per ne eshte zbatimi i masave qe do te zvogelonin keto efekte. Sfida jone eshte mbajtja e qendrueshmerise se aktivitetit ekonomik ne vend, Banka e Shqiperise mbetet e angazhuar ne kete sfide", ka thene Fullani. Ne nje situate te tille guvernatori ka sugjeruar, qe te shohim te ardhmen nga nje optike me realiste. Guvernatori solli ne vemendje rolin e shtetit si ne zhvillimin e ekonomise ne teresi edhe te biznesit privat ne veçanti. "Roli i shtetit duhet te shtohet me teper, per perfundimin e nje sere reformash, qe kane te bejne me titujt e tokave te bujqesise", theksoi Fullani.

Kuvendi
Miratohet projektbuxheti 2009 

Kuvendi miratoi projektbuxhetin per vitin 2009, me nje vlere prej rreth 5 miliard dollaresh. Kryeministri Berisha tha se investimet do te perqendrohen ne infrastrukture, duke deklaruar se ai nuk do te perdoret per qellime politike dhe elektorale.
“Do t’i garantoj Shqiperise stabilitetin makro-ekonomik, rritjen me te madhe ne rajon, investimet me te medha publike, perfundimin e rruges Durres-Morine, te autostrades Leman-Vlore dhe vazhdimin e Rruges se Arberit. Ky buxhet i jep mundesine e madhe ndryshimeve dhe realizon pike per pike premtimet tona per rroga dhe pensione”, ka deklaruar Berisha. Sipas tij, buxheti i vitit 2009, i jep mundesi te medha vendit pasi ai realizon te gjitha premtimet e qeverise. Kreu i ekzekutivit theksoi gjithashtu se viti i katert i ketij mandati do ta gjeje rrjetin rrugor te vendit teresisht te ndertuar ose ne ndertim e siper.

Kompania e katert e telefonise se levizshme
Ne dhjetor hapet tenderi 

Tregut te telefonise se levizshme ne vend se shpejti pritet t’i shtohet edhe nje operator i ri. Burime nga Ministria e Telekomunikacionit shprehen se brenda pak ditesh do te shpallet oferta per tenderin ne nje nga gazetat me te medha ne tregun e huaj, dhe pas kesaj do te zhvillohet edhe tenderi per dhenien e licences se katert ne fushen e telefonise se levizshme. Sipas burimeve nga kjo ministri, ne fazen e pare qe eshte ajo e parakualifikimit ka pasur kerkesa te konsiderueshme nga kompani te ndryshme. Aktualisht, ne tregun vendas te telefonise se levizshme operojne tri kompani. Ne mars te ketij viti hyri ne treg kompania me e re Eagle Mobile. Nderkohe qe me hyrjen e nje operatori te ri pritet te shtohen edhe me shume sherbimet ne favor te konsumatoreve.

Italianet
Interes per te investuar ne energjetike 

Kompanite italiane jane te interesuara te investojne ne sektorin energjetik shqiptar. Konkretisht, dy firmat italiane interesohen per investime ne energjetike. Projektet e tyre qendrojne ne ndertimin e impianteve te prodhimit te energjise diellore. Gjate nje takimi te zhvilluar me kreun e qeverise ata prezantuan projektidene per ndertimin e 6 impianteve te energjise ne zona te ndryshme te vendit. Ne te njejten kohe angazhohen te ndertojne edhe linjat e percjelljes se prodhimit. Kryeministri Berisha mesohet te kete mirepritur projektet e tyre per prodhimin e energjise nga burime te rinovueshme dhe i siguroi se do te kene mbeshtetjen e autoriteteve shqiptare. Kryeministri i njohu me pas investitoret italiane me lehtesite qe po afron qeveria ne kete fushe me ndertimin e parqeve industriale. Sektori i energjetikes ka ngjallur interesin e mjaft investitoreve te huaj.

INSTAT
Rritet kostoja ne sektorin e ndertimit 

Rritet kostoja e sektorit te ndertimit. Sipas te dhenave me te fundit nga Instituti i Statistikave, gjate tremujorit te trete te vitit, çmimet e materialeve te ndertimit kane pesuar rritje dhe per rrjedhoje eshte rritur edhe kostoja e ndertimit te objekteve. Konkretisht, sipas INSTAT-it, ne tremujorin e trete te 2008, Indeksi i Kushtimit ne Ndertim arriti 128.8% duke shenuar nje rritje 0.4% kundrejt tremujorit te meparshem. Krahasuar me te njejten periudhe te vitit 2007 Indeksi i Kushtimit ne Ndertim ka shenuar nje rritje 1.5%. Nje vit me pare ky ndryshim ishte 2.1%. Sipas nje analize te hollesishme te kryer nga Instituti i Statistikave, rezulton se gjate kesaj periudhe treguesi i çmimeve te grupit "Shpenzime direkte" eshte rritur 0.5% kundrejt tremujorit te meparshem. Brenda ketij grupi, rritje kane shenuar nengrupet "Shpenzime materiale" prej 0.7% dhe "Shpenzime per paga" prej 0.1%. Brenda nengrupit "Shpenzime materiale" mund te permendim rritjen e çmimeve te materialeve te ndertimit prej 0.7% dhe çmimet e materialeve hidro-sanitare prej 0.1%.