Gjeja me e mire qe mund tri ndodhte jetes politike ne Shqiperi, ishte njohja me draft programin qeverises se partise me te madhe te opozites, Partise Socialiste. Ky ishte momenti me i mire sepse prej kohesh jeta politike ishte futur ne udhe gati qorre, qe po prodhonte konflikt me intensitet te larte e duke krijuar vakum te dukshem te alternativave. Jeta e perditshme kufizohej mes sherrnajes politike, e cila ishte infektuar rende nga kriza politike duke lene pak hapesire, qe cdokush te kryente i qete punet e veta. Ne konfliktin politik ishte perfshire me dashje apo pa dashje e gjithe shoqeria. Ardhja e ketij propozimi alternativ, ndryshe me ate me te cilin qeveris sot shumica e djathte eshte shans per te orientuar debatin publik dhe politik ne shina te duhura, ne rrugen qe provon dhe prodhon zgjidhjen me te mire.
Per mese dy vjet, opozita e mberthyer ne sindromin e padrejtesise elektorale kishte rharruarr qe te kryente detyren e saj, jo vetem duke qendruar ne heshtje lidhur me dhenien e alternativave ekonomike ne keto kohe te veshtira te krizes globale, por edhe duke penguar kalimin e disa ligjeve te rendesishme (kujtojme ketu ligjin per gjykaten administrative, qe ende nuk eshte miratuar, apo amnistine qe u realizua vetem pjeserisht per shkak te mungeses se vullnetit te opozites per te bashkepunuar dhe per te votuar nje ndryshim ne kushtetute; te dyja elementet e siperpermendur kerkonin 3/5 e votave ne Kuvend).
Me ne fund debati mes te majteve dhe te djathteve eshte perqendruar ne elemente konkrete. Te djathtet, te cilet ne mandatin e pare u treguan mjaft te guximshem me politikat e tyre duke vendosur taksen e sheshte (10% tatim fitimi nga 20% me pare dhe kalimi nga tatimi progresiv mbi te ardhurat ne tatim unik prej 10%), mbrojne zgjedhjen e tyre, teksa rrugen per te nxitur ekonomine e pane permes stimulimit te biznesit dhe nivelit te taksimit te barabarte, pavaresisht te ardhurave. Ndersa deri ne vitin 2008, u arrit te mbahej rritja e te ardhurave pavaresisht reduktimit te taksave, prekja e vendit nga kriza globale ne fund te 2008-s e ne vijim nuk lejon te gjykohet sakte mbi performancen e ketyre politikave, teksa vendi (per shkak te faktoreve te jashtem kryesish) ngadalesoi ndjeshem ritmet e rritjes ekonomike. Gjithsesi, vleresohet se taksat e uleta vepruan si nje jastek mbrojtes ne kete ambient jo favorizues nderkombetar. Nderkohe, elementi ku te djathtet guxuan dhe kane rrezikuar eshte ai i rritjes se borxhit publik (qe erdhi kryesisht si rrjedhoje e shpenzimeve te larta ne vitin 2009 per Durres-Kukes, rruge qe tashme ka filluar te ktheje investimin e bere per te), ku niveli prej 60% i borxhit konsiderohet relativisht i paqendrueshem.
Te majtet, qe tentojne te bejne mbrojtje sociale, propozojne disa masa qe ndihmojne shtresat e varfra, si ulja e TVSH-se per ushqimet, apo per energjine elektrike. Ata propozojne rikthimin e tatimit progresiv, si nje mjet qe do te vilte me shume taksa nga ata qe fitojne me shume dhe do te lehtesonte barren per shtresat me te varfra (niveli i taksave taksat do te jete progresiv, ku te pasurit do duhet te paguajne nje norme me te larte se te varfrit, ka deklaruar kreu i PS-se).
Ndersa te dyja palet synojne nxitjen e nje rritjeje te qendrueshme ekonomike, tatimi i sheshte apo progresiv perben dhe diferencen themelore mes te majteve e te djathteve. Se cila nga politikat eshte me efektive kjo eshte e veshtire qe te vleresohet per momentin. Ne fund te fundit, ajo qe duhet eshte nje plan qe mbeshtet ekonomine ne afatin e shkurter e te mesem dhe qe con ne uljen e deficitit buxhetor e borxhit publik. Politika me e mire me taksat ne keto momente, kur Shqiperia duhet te gjeje stimuj te brendshem per te neutralizuar pasojat e krizes evropiane, do te ishte ajo qe do te arrinte sa me natyrshem qellimin e rritjes se te ardhurave, pa shkaktuar shume deme dhe madje duke ndikuar ne permiresimin e saj. Pra, politikat e taksave duhet te perqendrohen ne rritjen e te ardhurave ne rruge, qe jane te drejta dhe qe e ndihmojne, ne vend qe ta demtojne ekonomine.
Gjithsesi, ne keto momente, i rendesishem eshte fakti qe ne vend u rikthye debati konstruktiv ekonomik, qe pa dyshim do te kete vlera pozitive. Duke qene se duhen dhe dy vjet derisa te vijne zgjedhjet e ardhshme, votuesit do te kene te gjithe kohen e mjaftueshme per te vleresuar se cilen alternative ata gjykojne se eshte me e mire per ta dhe ne momentin e duhur te vendosin se ke te zgjedhin (votojne).