LG, në treg brezi i dytë i smartfonëve 3D
Arritja e fundit e LG në hapësirën pa syze 3D – Optimus 3D Max do të fillojë turin global, duke nisur në Europë. Ashtu siç u pa për herë të parë në Kongresin Botëror të Celularëve 2012, smartfoni i brezit të dytë 3D sjell një çip të përmirësuar dhe më shumë veçori të zbavitjes 3D, në një trup më të hollë e më të lehtë.
“Ne po i shtyjmë me vetëdije kufijtë e risive të zbavitjes së lëvizshme me Optimus 3D Max”, tha dr. Jong-seok Park, president dhe drejtor ekzekutiv i kompanisë LG Electronics Mobile Communications. “Kjo pajisje ka evoluar në mënyrë domethënëse nga koha kur ne paraqitëm Optimusin e parë 3D në Kongresin Botëror të Celularëve më 2011-n. Smartfoni ynë i brezit të dytë 3D pa syze është aq i hollë dhe i lehtë si çdo smartfon tjetër, ndërkohë që ka një figurë spektakolare si në 2D ashtu dhe në 3D”.
Optimus 3D Max përfshin tani një konverter të ri 3D, i cili mundëson për një larmi më të madhe të përmbajtjes 3D, pasi ai konverton përmbajtje 2D nga Google Earth, Google Maps dhe aplikime të tjera hartash në 3D. Vizitorët në KBC 2012 u entuziazmuan nga video-editori unik 3D i aparatit, i cili lejon editimin e videove 3D në telefon në kohë reale. Çelësi 3D Hot Key i montuar në anë të telefonit mundëson përdoruesit që të ndryshojnë lehtësisht nga 2D në 3D. Optimus 3D Max përfshin ikona kubike në stil 3D, përveç ikonave të veta që mund të përshtaten, duke përdorur fotot e vetë përdoruesve, nëpërmjet opsionit Icon Customizer.
Veçori të tjera që do të jenë të aksesueshme nëpërmjet një njoftimi të ardhshëm mirëmbajtjeje përfshijnë një Konverter HD për t’i ofruar rezolucion të lartë përmbajtjeve që mund të shihen në TV i lidhur nëpërmjet MHL (Mobile High-Definition Link) dhe Range Finder, i cili llogarit distancën midis kamerës dhe subjektit si dhe përmasat e një objekti nëpërmjet trikëndëzimit.
Për sa i takon veçorive të reja të formës, Optimus 3D Max është 2 milimetra më i hollë dhe 20 gramë më i lehtë sesa paraardhësi i tij, me vetëm 9.6 milimetra trashësi dhe peshë 148 gramë. Kamera e pasme 5MP kap foto dhe video në 3D, duke përdorur lentet dyfishe. Materiali i xhiruar mund të shihet direkt në smartfon pa syze 3D ose në një monitor a TV i aftë për 3D.
Specifikat kryesore:
Çipset: Procesor 1.2GHz Dual-Core (OMAP4430)
Ekrani: 4.3-inç 3D WVGA me Corning® Gorilla® Glass 2
Memoria: 8GB depozita e brendshme, 1GB memoria e brendshme, Micro SD support (deri në 32GB)
Kamera: 2 x 5MP prapa, VGA para
OS: Android 2.3 Gingerbread
Bateria: 1,520 mAh
Të tjera: HSPA + 21Mbps
Lidhje HDMI 2D/3D TV/monitor deri në 1080p nëpërmjet MHL
DNLA për lidhje wireless me TV/PC (edhe 3D video)
NFC Full Support, LG Tag+