Statistika-Mallrat e akcizës
Importi i mallrave të akcizës paraqet një tendencë në rritje në pjesën më të madhe të këtyre produkteve.
Sipas të dhënave nga Drejtoria e Përgjithshme e Doganave (DPD), sasia e kafesë së importuar gjatë periudhës janar –qershor të këtij viti arriti në 3.54 mijë tonë. Krahasuar me të njëjtën periudhë të një viti më parë kjo sasi është mbi 9% më e lartë. Krahasuar me pesë vite më parë sasia e kafes që ka hyrë në tregun shqiptar është rritur me rreth 16%.
Në rritje të lehtë paraqet edhe sasia e birrës së importuar. Sipas të dhënave të DPD, në periudhën gjashtëmujore janar-qershor të këtij viti, sasia e birrës së importuar ishte 138.7 mijë h/litra. Krahasuar me të njëjtën periudhë të një viti më parë, sasia e importit të birrës u rrit me gati 1.7%. Rritja më e madhe e importit të këtij produkti vërehet gjatë vitit 2009. Në gjashtë muajt e parë të 2009 sasia e birrës së huaj të futur në tregun shqiptar u rrit me rreth 10% krahasuar me të njëjtën periudhë të një viti më parë.
Gjatë periudhës gjashtëmujore të këtij viti vërehet një rritje e lehtë e konsumit të karburantit të importit. Krahasuar me të njëjtën periudhë të një viti më parë, sasia e importit të karburanteve u rrit me 2.2%. Sipas të dhënave doganore, deri në fund të muajit qershor të këtij viti u importuan 175.2 mijë tonë. Krahasuar me pesë vite më parë, sasia e importit të karburanteve ka rënë me rreth 5%, sipas të dhënave doganore.
Importet e karburanteve paraqiten në nivele më të larta në muajit qershor, kur blerjet e bëra në një periudhë të favorshme ccmimesh mbërritën në port. Sipas të dhënave të importit, në qershor u importua sasia më e madhe e karburantit me gati 40.6 mijë tonë.
Edhe në tregtinë e cigareve vërehet një tendencë rritje e importeve. Sipas të dhënave doganore, sasia e importit të cigareve për periudhën janar- qershor 2012 ishte 1.53 mijë tonë. Krahasuar me të njëjtë periudhë të vitit të kaluar, importet e këtij produkti janë 4% më të larta krahasuar me të njëjtën periudhë të një viti më parë.
Në pesë vitet e fundit, pjesa e parë e vitit 2008, paraqet nivelin më të lartë të importi të cigares për nga sasia.
E vlerësuar në gjashtë muajt e këtij viti, sasia e importi paraqet një tendencë të madhe rritje gjatë muajit shkurt. Në atë periudhë u importuan 350 tonë cigare sipas të dhënave doganore.
Burimi:DPD