Statistika për lejet e ndërtimit, T III 2012
Numri i lejeve të ndërtimit të miratuara për ndërtesa gjatë tremujorit të tretë 2012 është 37 nga të cilat 27 leje janë miratuar për ndërtesa banimi dhe 10 për ndërtesa të tjera si hotele, ndërtesa tregtare, etj.
Krahasuar me tremujorin e dytë 2012 ky tregues është rritur 105.5 % ndërsa krahasuar me njëjtën periudhë të vitit të kaluar është ulur 87 %, bëhet e ditur në statistikat e INSTAT.
Në total, për 9 mujorin për ndërtesa të reja janë dhënë gjithsej 74 leje ndërtimi në të gjithë Shqipërisë, në një kohë që vetëm në tremujorin e fundit të vitit 2011 ishin dhënë në të gjithë vendin 670 lekë dhe në tremujorin e tretë të po atij viti u dhanë 285 leje.
Bizneset e ndërtimit në Tiranë vazhdojnë të jenë në krizë. Për to janë dhënë vetëm 6 leje ndërtimi për 9 mujorin, nga 226 lejë që ishin dhënë vetëm në tremujorin e katërt 2011.
Vlora rezulton qyteti i vetëm ku vijon të ndërtohet, e 43 lejë ndërtimi të dhëna për 9 mujorin, apo 62% e lejeve gjithsej.
Edhe vlera e lejeve të ndërtimit si pasojë është në rënie drastike. Nëse në tremujorin e tretë të vitit 2011 përllogariteshin mbi 16 miliardë lekë investime nga lejet e dhëna, në të njëjtën periudhë të 2012-s, kjo shumë ka rënë me afro 83%, duke zbritur në vetëm 2.7 miliardë lekë.
Peshën më të madhe në lejet e dhëna të ndërtimit vijojnë ta kenë banesat, që zënë afro 75% të lejeve të reja për 9-mujorin e 2012-s. Ndërtimet tregtare, kryesisht qendra biznesi në Tiranë, biznes i cili po vijon të rritet me gjithë krizën, zënë një peshë të konsiderueshme, rreth 20% të lejeve të dhëna.
Sipas Shoqatës së Ndërtuesve, numri i apartamenteve të pashitura në shkallë vendi këtë vit ka arritur shifrën 12 mijë.
Rreth 5 mijë numërohen në Vlorë, rreth 2,500 në Sarandë, 300 në Korçë si dhe 4,500 në Durrës, kryesisht në zonën e Plazhit.
Në Tiranë, për sa i përket zonës së Bashkisë së Tiranës, shifrat janë më të ulëta, nëse nuk përfshihet periferia (kryesisht Kashari, Fresku, etj., ku numërohen rreth 600-700 apartamente të pashitura.
Burimi: INSTAT