Statistika/ Indeksi i Çmimeve të Prodhimit
Në tremujorin e parë të vitit 2014, Indeksi i Çmimeve të Prodhimit arriti 112,8 % kundrejt vitit 2005. (Viti 2005 = 100).
Në tremujorin e parë 2014 ndryshimi vjetor i Indeksit të Çmimeve të Prodhimit është 0,5 %.
Krahasuar me tremujorin e parët të vitit 2013, çmimet e prodhimit të produkteve për tregun vendas kanë shënuar rritje me 0,5 % ndërsa çmimet e prodhimit me destinacion eksportin kanë shënuar ulje me 2,3 %.
Në tremujorin e parë 2014 ndryshimi tremujor i indeksit është 0,3 %. Çmimet e Prodhimit në degën ”Industria Nxjerrëse” shënuan rritje me 1,2 %. Vlen të përmendet rritja e çmimeve të prodhimit në aktivitetin “Nxjerrja e produkteve energjetike” me 1,8 %.
Indeksi i Çmimeve të Prodhimit në degën “Industri Përpunuese” shënoi ulje me 1,0 %. Brenda saj mund të përmendet ulja e çmimeve të produkteve në aktivitetet: “Industri ushqimore” me 1,5 %, “Metalurgjia dhe përpunimi i metaleve” me 4,0 %.
Indeksi i Çmimeve të Prodhimit për produktet vendase arriti 111,7 % duke shënuar një rritje me 0,2 % krahasuar me tremujorin e katërt 2013.
Indeksi i Çmimeve të Eksportit arriti 118,2 % duke shënuar një ulje me 1,5 % krahasuar me tremujorin e mëparshëm.