Banka e Shqipërisë pritet që të ulë sot normën bazë në nivele minimale historike, për të nxitur ekonominë e sëmurë

24/03/2020 11:02 PM 1 koment

Banka e Shqipërisë do të zhvillojë sot (e mërkurë) mbledhjen e radhës së Këshillit Mbikëqyrës, ku një ndër masat që pritet të diskutojë është ulja e normës bazë të interesit. Guvernatori i Bankës së Shqipërisë, Gent Sejko, deklaroi në një dalje të para disa ditëve në media, se ai do të votojë pro uljes.

Norma bazë është një mekanizëm që shërben për të ulur koston e parasë në ekonomi, edhe përmes transmetimit të politikës monetare tek interesat e huave, që duke u bërë më të lira nxisin investimet në ekonomi.

Aktualisht norma bazë është në nivele minimale historike prej 1%, dhe po mbahet e tillë që prej qershorit të vitit 2018, kur është bërë dhe ulja e fundit. Që prej mesit të vitit 2011, institucioni monetar qendror ka ndjekur një politikë aggresive lehtësuese monetare, duke reduktuar gradualisht normën bazë nga 5.25% në 1%. Ulja e normës bazë është shoqëruar dhe me reduktimin e normave të depozitave dhe kredive. Në janar 2020, interesi mesatar i kredive në lekë ishte 6.3% sipas statistikave të Bankës së Shqipërisë, nga rreth 12% që ishte në mesin e 2011-s, përpara se të fillonte politika lehtësuese monetare.

Në rënie kanë qenë dhe normat e depozitave, ku aktualisht kthimi për një kursim me afat 12 muaj është më pak se 1%, nga 5% në mes të 2011-s.

Banka e Shqipërisë kishte paralajmëruar se do të vijonte me politikën lehtësuese monetare që në fillim të këtij viti, si rrjedhojë e rreziqeve të shtuara në ekonomi nga tërmeti i 26 nëntorit. Sipas vlerësimeve të Bankës në mes të shkurtit, “Rritja ekonomike dhe inflacioni i vitit 2020 priten të ndikohen negativisht nga tërmeti”, e cila për rrjedhojë rishikoi parashikimet në kahun e poshtëm”.

Lexo edhe këtë: BSH lajmëron lehtësim monetar; 3 kanalet si tërmeti do ndikojë ekonominë

Tashmë me bllokimin pothuajse total të ekonomisë nga koronavirusi, efeket në ekonomi pritet të jenë shumë më të mëdha, çka po e detyron Bankën e Shqipërisë të veprojë me shpejtësi për të ndihmuar përmes mekanizimit të lehtësimit të politikës monetare.

1
Komente

avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
Arqiduka Recent comment authors
  Subscribe  
newest oldest most voted
Notify of
Arqiduka
Guest
Arqiduka

Shume mire po le te blihen paralelisht sasi te medha eurosh ne treg qe te zhvleresohet leku, ndryshe nuk e risim dot qarkullimin monetar. Gjithashtu, te blihen dhe Obligacione ne treg. Keto dite bejne dallimin mes recesionit te pare ne historine bashkekohore te Shqiperise dhe nje viti me inflacion te larte dhe aq.